Un ano máis, un fotoxornalista presenta a súa mirada sobre a cita folk. Nesta ocasión, o elixido é Ángel Manso, profesional ligado ao diario La Voz de Galicia, encargado de facer a cobertura do evento o pasado ano. A través das súas instantáneas sobre o ambiente, as xentes e os concertos poderase revivir o que foi a edición 2009 do Festival de Ortigueira. A colección, integrada por 65 imaxes, poderase visitar durante todo o mes de xullo no claustro da Casa Consistorial.