Gaelic Storm

Sobrevivente de Titanic. A oscarizada película lanzouna á fama cando só era unha banda de fin de semana que versionaba temas folk irlandeses e, en boa medida, marcouna. Con todo, a formación estadounidense,liderada polo irlandés Patrick Murphy (vocalista, piano, acordeon, harmónica) e o inglés Steve Twigger (cantante, guitarra, mandolina, bouzouki), logrou que non fose un éxito efémero.

Atopou o seu lugar a medio camiño entre conxunto tradicional e banda de rock celta, que explora as fronteiras deste tipo de música. Sete traballos discográficos avalan que o seu foi moito máis que un taquillazo de Hollywood.

O sexteto ten oficio. Os seus directos arrasan. Malgastan frescura e bo humor e encadean composicións propias das que levantan ao público. Debuta en España.E fano en Ortigueira, onde chegan con disco recentemente editado, «Cabbage». Gaelic Storm é, sen dúbida, a aposta máis firme da presente edición.