Header Image

Como chegar


Coche
A principal vía de comunicación é a estrada AC-862 de Ferrol a Foz e Ribadeo, que empalma en Neda coa AP-9 pola que se chega á Coruña, cun percorrido total de 99 Km. desde a capital do noso municipio. A distancia ata Ferrol é de 53 Km. Desta estrada, que é, ademais, a principal arteria de comunicación saen cara á costa e ao interior outras vías polas que se accede ás diversas parroquias e aldeas do termo municipal.

Outra posible opción, desde Madrid, é coller a autovía A-6 ata o desvío de Rábade (saída 510) ou Baamonde (saída 523). Pasando por Vilalba e As Pontes de García Rodríguez, chégase a Ortigueira pola AC-101. Esta rota remata no aparcadoiro oficial do Festival e conecta coa AC-862 que leva ata o núcleo da vila.

Se vas vir en coche podes calcular a túa ruta e obter información adicional empregando o mapa de Google que podes atopar ao final desta mesma páxina.

Haberá un aparcadoiro vixiado de gratis.


Autobús
A compañía Arriva une Ortigueira coas principais cidades de Galicia. Podes solicitar máis información sobre rutas e horarios nos teléfonos 981 184 335 -estación da Coruña-, 981 311370 -estación de Ferrol- e 902 277482 -número de atención ao cliente-.

Consulta os horarios e as rutas aquí.

Tren
A liña férrea de Ferrol a Xixón ten estación en Santa Marta, en Ponte de Mera e en Santa María de Mera, e apeadoiros en Espasante e Loiba. Se non che queda claro podes chamar ao número 981 370 401 de atención ao cliente as 24 horas do día.
Consulta os horarios e as rutas aquí.

Avión
Os aeroportos de Santiago de Compostela e Alvedro -na Coruña- están a 130 e 90 Km. de Ortigueira, respectivamente. Ambos os dous reciben voos nacionais e internacionais con carácter diario.

Podes obter información sobre as compañías que operan neles e as rutas que cobren na web de Aeroportos Españois e Navegación Aérea -AENA-.