Celtas Cortos

Veteranos e comprometidos. Pisan por primeira vez o Festival do Mundo Celta co seu “40 de abril” e un novo proxecto en cernes, dedicado a versionar, adaptándoos ao seu instrumentación e peculiar estilo, temas dos grupos que máis os influíron na súa traxectoria: The Pogues, Oysterband -co que compartirá táboas- The Chieftains, Pata Negra…

Folk, ska, rock and roll, pop e canción de autor configuraron a identidade desta banda vallisotelana ao longo da súa traxectoria. Madura, e cun son máis esencial baseado no rock con pinceladas celtas, a formación integrada por Óscar García, Goyo Yeves, Alberto García e o carismático vocalista Jesús Cifuentes, unha vez retornado, conseguía no 2008 volver ás listas de éxito.

O seu cuarto de século de música resúmese en dezaseis álbums editados. Sen renunciar a clásicos como “Cuéntame un cuento”, “20 de abril” ou “Tranquilo majete”, o conxunto soubo evolucionar. O seu paso por Ortigueira permitiralles adiantar algunhas cancións do que será o seu traballo máis ecléctico.