KEVRENN BREST SANT MARK

A Kevrenn Brest Sant Mark naceu en 1947 tras a traxedia da explosión do barco Ocean Liberty na ría de Brest. Fundada por Yann Camus e Pierre Jestin, a formación organizou concertos para recadar fondos para as vítimas, dando lugar ao nacemento do grupo. Desde entón, consolidouse como unha das bandas máis innovadoras e recoñecidas no mundo dos bagadoù, gañando once veces os concursos nacionais. No presente, é unha escola de música dinámica e referente en Bretaña, que acaba de acadar a primeira categoría do campionato nacional de bagadoù.

Para este ano 2025, Kevrenn Brest Sant Mark únese aos Groove Boys para ofrecer un espectáculo único que combina a forza dun Bagad (banda tradicional bretoa), a calor dos instrumentos de vento metal e a enerxía festiva dun DJ. Esta proposta musical, que mestura música tradicional bretoa con cancións populares francesas e internacionais, está deseñada para facer bailar ao público e converter calquera festival nunha auténtica festa.