Estes tres grupos noveis, formados en 2023, 2020 e 2021 respectivamente, terán a oportunidade de subirse ao escenario do Festival Internacional do Mundo Celta de Ortigueira grazas ao Concurso Runas nunha edición na que o voto popular foi decisivo.
O Concurso Runas, que se vén celebrando desde o ano 2000, ten como obxectivo a difusión da cultura e música Celta a través da promoción de grupos noveis, primando sempre as composicións propias.
Os finalistas determináronse por un sistema de cinco votos. O primeiro, derivado da votación popular na páxina web do Festival, onde se recibiron máis de 22.700 votacións. As outras catro puntuacións proceden dun xurado composto por músicos, xornalistas musicais e promotores seleccionados polo Concello de Ortigueira, que analizaron para o seu veredicto a relación de cada proposta en sintonía coa filosofía e tradición musical propia do Festival. O xurado do Concurso Runas 2024 formárono:
– Alberto Balboa, director do Festival Internacional do Mundo Celta de Ortigueira.
– Rodrigo López, músico e director da Escola de Gaitas de Ortigueira.
– Pedro Fariñas, músico, docente e titulado superior na especialidade de Instrumentos da música tradicional e popular de Galicia polo Conservatorio Superior de Música de Vigo.
– Rita Tojeiro, xornalista e responsable da sección de Cultura do Diario de Ferrol.
Tras o veredicto do xurado e do público, Alana (Galicia), Buíoch (Irlanda) e Picarós (Asturias) son os tres grupos finalistas do Concurso Runas 2024. Estes actuarán o xoves 11 de xullo no Festival de Ortigueira 2024. Da súa actuación sairá o gañador que actuará de novo no ano 2025.
O trío galego Alana, gañador da votación en liña, chegará a Ortigueira cun repertorio que mestura a música tradicional galega con ritmos contemporáneos de base electrónica e pop.
Buíoch é un grupo de música tradicional irlandesa que compón arranxos e as súas propias melodías, resultando nun son tradicional pero progresivo que é único e enérxico.
Picarós, terceiro clasificado na votación en liña, presentará unha vibrante proposta musical que chega desde o panorama folk asturiano cunha fusión da esencia da música tradicional con elementos contemporáneos.
O Comité Organizador do Festival non quere deixar de agradecer a todos os aspirantes a súa participación, así como destacar o alto nivel das súas propostas. Xa son máis de 250 bandas nacionais e internacionais as que pasaron polo Concurso Runas, o que indica a importancia desta plataforma de promoción de grupos noveis dentro da música celta e folk.
Dous ponteses firman a autoría do cartel que representará a imaxe do Festival Internacional do Mundo Celta de Ortigueira deste 2026
A obra, “Romaría”, elaborada por Juan Prieto e Joseba Silvent, veciños do Concello de As Pontes de García Rodríguez, levouse o primeiro premio, o segundo foi para “Foliada”, de Alexandre Sequeiros e o terceiro…
O Laboratorio de Cántigas Novas consolídase en Ortigueira como referente da creación contemporánea de raíz con Mondra, Dores Tembrás e outros, baixo a dirección de Ugia Pedreira e Óscar Górriz
● O proxecto, unha iniciativa do Concello de Ortigueira a través da área formativa do Festival, codirixido por Ugia Pedreira e Óscar Górriz, regresa en 2026 para converter Ortigueira en epicentro da produción lírica…
Máis de 100 propostas presentadas para a selección do cartel do Festival Internacional do Mundo Celta de Ortigueira 2026
Publicada a lista de obras admitidas e excluídas Reunida a Unidade Xestora do Concurso de Carteis para esta edición 2026 do Festival de Ortigueira, e unha vez analizado o cumprimento dos requisitos das obras…
Presentado en FITUR o Festival Internacional do Mundo Celta de Ortigueira 2026
Artistas da talla de Yves Lambert, Lúnasa, Solas e Valtos actuarán en Ortigueira entre o mércores 8 e o domingo 12 de xullo do 2026 O Comité Organizador do Festival Internacional do Mundo Celta…
O Festival Internacional do Mundo Celta de Ortigueira convoca o concurso de deseño do cartel do 2026 con máis de 5.000€ en premios
As bases xa están dispoñibles na web do Festival e as obras poderán presentarse ata o 14 de xaneiro O Festival Internacional do Mundo Celta de Ortigueira anuncia a apertura do concurso de carteis…
O Festival Internacional do Mundo Celta de Ortigueira do 2026 terá lugar entre o 9 e o 12 de xullo
Tras a excepcional ampliación para celebrar o 50 aniversario da Escola de Gaitas de Ortigueira deste 2025, o Festival retoma o seu formato habitual de catro días, celebrándose do xoves 9 ao domingo 12…