Quizais este nome non sona demasiado aos non afeccionados ao folk, pero desde que se uniron seus compoñentes no Celtic Connections do 2015, causaron un gran impacto pola súa calidade.

Non se ven xuntos demasiado por seus múltiples compromisos persoais pero o Festival de Ortigueira é o elixido para seu único concerto en España. Poucos concertos haberá despois en Irlanda ou por Europa.

Falamos de Usher´s Island : a unión de cinco dos nomes máis influentes e recoñecidos na música tradicional irlandesa dos últimos 50 anos, fundadores e membros das bandas máis emblemáticas desde o principio dos anos 60 do século pasado.

Andy Irvine: fundador e membro de Planxty, Patrick Street, Mozaik.

Donal Lunny: membro que foi de Planxty, The Bothy Band, Mozaik, entre outras.

Paddy Glackin, membro de The Bothy Band,

Mike McGoldrick membro de Lunasa, Capercaillie , entre outros

John Doyle de Solas.

Cada un, por suposto, son solistas de talento por propio dereito, pero nesta nova banda ofrecen unha mestura de vellas e novas melodías con seus talentos vocais e instrumentais.

No seu concerto estarán instrumentos como a uilleann pipe (gaita irlandesa), frautas, whistle, mandolinas, bouzukis, harmónicas, violíns, guitarras, e outros de música tradicional.

Estarán en Ortigueira o venres 14 de xullo de 2017. Apunta a data.