A pesar das adversas condicións meteorolóxicas, que mantiveron en vilo aos folkies e á organización, o Festival Ortigueira resistiu, e logrou manter as cifras de participación das súas últimas edicións. Nin a chuvia, que nalgúns momentos calou aos folkies que decidiron vivir a experiencia única do Festival, impediu que miles de mozos e non tan mozos se entregasen un ano máis á festa.

Dende a organización destácase o bo ambiente vivido e o feito de que as catro xornadas de música e convivencia en plena natureza transcorresen nun clima de absoluta tranquilidade, sen incidentes de consideración. E neste sentido dan por logrado o obxectivo fundamental anunciado repetidamente polo alcalde Rafael Girón: “conseguir que os festivaleros volvan á casa satisfeitos, con ganas de repetir e falando ben de Ortigueira”.

Programación

No referente á programación artística, dende o Concello destácase o momento único vivido na noite de onte, coa sorpresa da actuación conxunta no Escenario Alameda dos dous cabezas de cartel da edición, dous pesos pesados do folk con décadas de traballo e recoñecemento ás súas costas, como The Chieftains– auténtico imán da edición- e Milladoiro. Un momento único, que dificilmente se repetirá.

Ademais do concerto con convidados dos “Xefes”, no que ademais colaboraron, entre outros a Escola de Gaitas de Ortigueira e o acordeonista Phil Cunningham, sublíñase o éxito do arriscado e anovador espectáculo “Fest rock” da Bagad Kemper e o grupo rock Red Cardell, que arrasou entre o público, levantando de forma unánime aos congregados na Alameda. Finalmente, valórase positivamente a acollida das novas propostas diúrnas organizadas, sinaladamente, o “Concurso internacional de gaita solista” e o de cuartetos, que gañou Xente Nova.

Edición 2015

Nos próximos días, os distintos servizos implicados na posta en marcha e desenvolvemento do evento, que contou co patrocinio de Deputación da Coruña, Axencia Galega de Turismo, Agadic, INAEM, Gadis, Coca Cola e TVG, se reunirá para realizar un balance exhaustivo do que foi este 30 Festival Ortigueira, de cara a introducir as melloras necesarias de cara á próxima edición.

O Festival Ortigueira, declarado Festa de Interese Turístico Internacional, volverá en xullo do 2015. No seu cartel, un nome xa confirmado o da Xabi Aburruzaga band, grupo gañador do Proxecto Runas 2014, de promoción de grupos emerxentes.

Alana e Buíoch gañan ex aequo o Concurso Runas 2024

Xul 17, 2024

O trío galego e o cuarteto irlandés actuarán no Festival de Ortigueira 2025 como gañadores da 25.ª edición do certame. Nunha edición memorable do Festival Internacional do Mundo Celta de Ortigueira, o xurado do…

O Festival de Ortigueira poderase seguir en directo

Xul 10, 2024

Os concertos do Escenario Estrella Galicia poderanse seguir a través da plataforma Tolemias, mentres que o Festival na Rúa verase no perfil de Instagram do Festival. Desde a súa creación en 1978, o Festival…

Un Festival máis feminino

Xul 05, 2024

Esta edición do Festival de Ortigueira, que terá lugar entre o xoves 11 e o domingo 14 de xullo, inclúe a tres grupos internacionais formados integramente por mulleres, subliñando a aposta da organización e…

Actividades gratuítas completan a programación do Festival de Ortigueira

Xul 01, 2024

O Comité Organizador ultima os preparativos para unha nova edición do Festival Internacional do Mundo Celta de Ortigueira, que se celebrará do 11 ao 14 de xullo. O Festival de Ortigueira prepárase para sorprender…

O Festival de Ortigueira contará coa instalación dun punto violeta e dunha plataforma PMR

Xuñ 28, 2024

O Festival Internacional do Mundo Celta de Ortigueira 2024 celebrarase do xoves 11 ao domingo 14 de xullo. A Xunta de Galicia, a través da Consellería de Política Social e Igualdade, reforzou o seu…

Scottish Fish, Böj e José Manuel Tejedor pechan a programación do Escenario Estrella Galicia

Xuñ 25, 2024

Un total de 21 grupos subirán entre o 11 e 14 de xullo ao Escenario Estrella Galicia do Festival Internacional do Mundo Celta de Ortigueira. Scottish Fish chegará o xoves 11 de xullo a…