A final do Runas 2015 permitirá aos festivaleiros que asistan na Alameda aos concertos gratuítos do xoves 16 de xullo, descubrir as mil e unhas posibilidades da fusión, porque se algo comparten os grupos clasificados, aínda que cada un na súa medida, é o seu gusto pola música sen fronteiras nin etiquetas. O tradicional fóndese co pop, coa electrónica, coa música oriental…
O acordeonista galego Andrés Penabad conseguiu o maior número de apoios do xurado. En segunda posición produciuse un triplo empate entre os irlandeses Perfect friction e Gabriel G Diges band e o proxecto madrileño JDC & band. O último clasificado é Alén de Ancos (Galicia), que busca unha nova oportunidade no Runas, tras chegar á final en 2012. Todos eles contan xa cunha notable rodaxe ás súas costas.
A elección, segundo estaba previsto, foi responsabilidade compartida entre os internautas e un xurado especializado, integrado polo xornalista Óscar Losada, director e presentador de “Raizame” e integrante do prestixioso “World Music Charts Europe”; Emilio Españadero, director e presentador de “Lume na palleira” na Radio Galega; Aurelio Argel crítico musical e cultural de Radio Asturias- Cadena Ser; e Alberto Balboa, coordinador do Festival. A comunidade de visitantes da web oficial, que rexistrou preto de 30.000 votos, foi o quinto membro deste singular tribunal.
As cinco bandas emerxentes abrirán o 31 Festival internacional do Mundo Celta, que se celebra do 16 ao 19 de xullo, asegurándose a banda que ofreza o mellor directo un oco na edición do próximo ano e 3.000 euros.
Músicos de diferentes partes do mundo compiten no Concurso Runas do Festival de Ortigueira
O Comité Organizador do Festival Internacional do Mundo Celta de Ortigueira anuncia os 10 grupos semifinalistas do certame e abre as votacións on-line para escoller aos 3 finalistas que subirán ao escenario este verán…
O Festival de Ortigueira abre a convocotaria do Concurso Runas de novos valores e incrementa o importe dos seus premios
O certame, destinado a fomentar a promoción de novos talentos da música tradicional das Nacións Celtas, celebra a súa 26ª edición na que os gañadores poderán acadar un premio de ata 5.000€ Ábrese o…
O Concello de Ortigueira, a través da área formativa do Festival Internacional do Mundo Celta de Ortigueira presenta o Laboratorio de Cántigas Novas
Ugía Pedreira e Óscar Gorriz dirixirán este espazo formativo de investigación artística, que pon o foco na creación autoral a partires da riqueza da lírica galega de tradición oral, no ano no que o…
A Escola de Gaitas de Ortigueira acompaña á delegación do Festival Internacional do Mundo Celta de Ortigueira na súa presentación en FITUR
A delegación do Festival estivo presente na xornada do sábado 25 de xaneiro en FITUR, presentando as súas novidades e un avance dos artistas participantes O 2025 preséntase como unha edición na que a…
O Festival Internacional do Mundo Celta de Ortigueira celebra o 50 aniversario da Escola de Gaitas cunha edición única
O Concello de Ortigueira presentou hoxe, sábado 18 de xaneiro, o cartel e un pequeno avance da programación da cita do 2025, que se celebrará do día 9 ao 13 de xullo nunha edición…
O Festival Internacional do Mundo Celta de Ortigueira, o festival con maior apoio do Ministerio de Cultura no 2024
O Festival recibiu este 2024 unha cunatía de 35.000€ por parte do ente público O Instituto Nacional das Artes Escénicas e da Música (INAEM), dependente do Ministerio de Cultura, convoca cada ano o seu…