Acabouse a espera. O Alcalde de Ortigueira, Juan Penabad Muras, confirmou na Feira Internacional de Turismo FITUR o que os milleiros de seguidores do Festival agardaban con impaciencia. E levan unha nova alegría, o Festival mantén os seus oito días de duración, consolidando un formato extensivo que o achega aínda máis aos festivais máis importantes do panorama musical mundial.

O Festival Internacional do Mundo Celta de Ortigueira adoitaba ter unha duración de catro días, sendo así un dos festivais gratuítos máis longos de todo o mundo, pero para 2022 programáronse por primeira vez oito días de actividades e concertos para convertelo nunha edición inesquecible. E os amantes da música e a cultura Celta non se viron decepcionados. Unha completa programación cultural e musical de 8 intensos días nos que máis de 100.000 visitantes gozaron das diferentes propostas da música Celta, entre as que os concertos de Tanxugueiras, Susana Seivane, Red Hot Chilli Pipers, Digresk, Wolfstone, Talisk e Baiuca foron os máis multitudinarios.

Despois de toda a espera, a organización redobrou esforzos co obxectivo de que en 2023 manteña, se non supere, os datos de asistencia da pasada edición, que xa foi a máis concorrida que se lembra, propoñendo unha das ofertas culturais máis atractivas de toda Europa.

A programación centrarase en atraer aos grupos de referencia do panorama Celta, pero cunha especial atención, como xa se fixo na pasada edición, aos grupos galegos e novos valores da música tradicional galega.A próxima data a apuntar será o 25 de febreiro e o lugar, o Teatro de Beneficencia de Ortigueira, onde ademais de anunciar as primeiras bandas participantes nesta edición, presentarase a imaxe do cartel para 2023. Nas seguintes semanas iranse confirmando as identidades do resto de artistas que formarán o cartel da programación deste verán, así como dos concertos do Festival no Teatro, previos ás datas sinaladas da segunda semana de xullo.

Dous grupos asturianos e un aragonés, finalistas do Concurso Runas 2023

Mai 26, 2023

Guieldu, Alienda e Muro Kvartet chegan á final deste concurso, que en vésperas a alcanzar o cuarto de século, segue mantendo inalterable o seu obxectivo de promocionar os novos valores da música Celta. Os…

Dous grupos locais completan o cartel do Festival de Ortigueira

Mai 23, 2023

Os Carecos e Covagueira poñerán, xunto a Xabier Díaz, o broche douro ao Festival Internacional do Mundo Celta de Ortigueira 2023, que se celebrará do 9 ao 16 de xullo. Coa incorporación de Os…

Mallou, Bagad Sonerien An Oriant e Peoples Ford Boghall & Bathgate Caledonia Pipe Band se suman ao cartel do Festival de Ortigueira

Mai 19, 2023

O Festival Internacional do Mundo Celta de Ortigueira incorpora tres novas agrupacións chegadas dende Galicia, Bretaña e Escocia ao cartel de #EscoitaÁsEstrelas, que se celebrará do 9 ao 16 de xullo. Coa actuación de…

Aberta a convocatoria para a Feira de Artesanía do Festival de Ortigueira 2023

Mai 12, 2023

O Festival Internacional do Mundo Celta de Ortigueira abre o prazo para a presentación de propostas para a Feira de Artesanía, que terá lugar do 9 ao 16 de xullo. Xa están dispoñibles as…

O Festival de Ortigueira presenta aos 10 candidatos seleccionados do Concurso Runas 2023 e abre a votación online

Mai 05, 2023

O Concurso Runas, que se vén celebrando desde o ano 2000, ten como obxectivo a difusión da cultura e a música celta a través da promoción dos grupos noveis. O comité técnico do Concello…

Elephant Sessions, Mec Lir e A Banda das Crechas novas confirmacións para Ortigueira 2023

Mai 02, 2023

O Festival Internacional do Mundo Celta de Ortigueira incorpora a Elephant Sessions, Mec Lir e A Banda das Crechas ao cartel de #EscoitaÁsEstrelas, que se celebrará do 9 ao 16 de xullo. Despois dos…