A iniciativa, destinada a fomentar a promoción de novos valores da música Celta, chega a súa 24.ª edición nun ano no que, por segunda vez consecutiva, o Festival de Ortigueira se celebrará durante oito días, do 9 ao 16 de xullo.
O Concello de Ortigueira enfocará un ano máis nas redes sociais os esforzos para impulsar o contacto cos seguidores do evento a nivel mundial. Poderán tomar parte no concurso as formacións cuxa lista aborde a música tradicional dos países de orixe Celta, en sintonía coa música habitual que se programa no Festival, calquera que sexa o seu país de orixe.
O material para participar poderá enviarse ata as 23:59 h do venres 28 de abril e o proceso de selección constará de dúas fases. Na primeira fase un comité técnico nomeado polo Concello de Ortigueira fará unha selección dun máximo de dez traballos de entre os recibidos que reúnan todos os requisitos. A segunda dará comezo o venres 5 de maio e nela os traballos dos grupos seleccionados poderán ser votados e escoitados na páxina web do Festival. Esta segunda fase finalizará o venres 19 de maio ás 14:00 h, dando lugar á selección de finalistas.
Os finalistas determinaranse por un sistema de cinco votos. Un voto sairá da votación popular na páxina web do Festival, e os outros catro votos procederán dun xurado especializado seleccionado polo Concello.
Os tres grupos finalistas serán anunciados na páxina web e redes sociais do Festival o mércores 24, xoves 25 e venres 26 de maio. Os finalistas actuarán no Festival Internacional do Mundo Celta de Ortigueira 2023, percibindo cada un deles un caché de ata 1.500 euros pola actuación. O gañador será contratado para actuar na edición de 2024 e recibirá un caché de ata 3.000 euros pola actuación. O xurado poderá non propoñer a ningún grupo se estima que este ano non cumpren uns mínimos de calidade artística e musical.
Os finalistas poderán compartir a experiencia de actuar en Ortigueira cos gañadores das edicións de 2020 (os escoceses Holiday Club), 2021 (os galegos Trikitrí) e 2022 (o madrileño JDC) e con grupos do calibre de Algaire, Anxo Lorenzo e Eoghan Neff, David Bellas, Escola de Gaitas de Ortigueira, Felpeyu, Fetén Fetén con P. Pascual, Four Men and a Dog, Le Vent du Nord, Rubén Díaz, Rura, SonDeSeu, Startijenn, Talisk, Trikitrí, Xabier Díaz, Xisco Feijoó, Xurxo Fernandes e moitos máis.
Bases para descargar en galego, castelán e inglés en www.festivaldeortigueira.com/runas/
Publicadas as bases para os postos de restauración do Festival Internacional do Mundo Celta de Ortigueira deste 2026
O Festival Internacional do Mundo Celta de Ortigueira publica as bases que regulan os postos de restauración como gastro-buses ou foodtrucks que poderán estar presentes no Festival entre o 8 e o 12 de…
Abertas as votacións populares para escoller os finalistas do Concurso Runas 2026
O Comité Organizador do Festival Internacional do Mundo Celta de Ortigueira anuncia os 10 grupos semifinalistas do certame e abre as votacións en liña para elixir os 3 finalistas que subirán ao escenario o…
Aberta nova convocatoria do Concurso Runas 2026 do Festival de Ortigueira
O certame Runas, que celebra a súa 27ª edición, incorpora este ano importantes novidades: a banda gañadora da final non so actuará no escenario principal do Festival de Ortigueira, senón que tamén terá a…
O Festival Internacional do Mundo Celta de Ortigueira presenta a imaxe deste 2026 e avanza a súa programación
Anxo Lorenzo, Rubén Alba e Noon súmanse aos xa confirmados Yves Lambert, Solas, Lúnasa, Valtos e Xara Como ven sendo habitual, o Teatro da Beneficencia do Concello de Ortigueira acolleu, este sábado 7 de…
A Deptuación de A Coruña mantén o seu apoio ao Festival Internacional do Mundo Celta de Ortigueira
O Festival recibiu 51.000€ no 2025 No marco da convocatoria do programa de subvencións para o apoio ao desenvolvemento de festivais na provincia da Coruña en 2025, o Festival Internacional do Mundo Celta de…
Dous ponteses firman a autoría do cartel que representará a imaxe do Festival Internacional do Mundo Celta de Ortigueira deste 2026
A obra, “Romaría”, elaborada por Juan Prieto e Joseba Silvent, veciños do Concello de As Pontes de García Rodríguez, levouse o primeiro premio, o segundo foi para “Foliada”, de Alexandre Sequeiros e o terceiro…