O Comité Organizador ultima os preparativos para a cita máis importante do ano, o Festival Internacional do Mundo Celta de Ortigueira, que terá lugar entre o 11 e o 14 de xullo.

O Festival na Rúa, emblemática sección organizada pola Escola de Gaitas de Ortigueira dentro da oferta musical do Festival, é unha oportunidade única para que os visitantes que se dan cita durante eses días en Ortigueira gocen da música celta e a música folk na súa forma máis pura mentres pasean polas rúas da vila Ortegana. 

Este ano, contará coa participación das seguintes bandas e agrupacións:

– A Requinta de Lampai (Galicia)

– Asociación Cultural Donaire (Galicia)

– Asociación Cultural Galega Rosalía de Castro (Barcelona)

– Asociación Cultural Troula do Ortegal (Galicia)

– Axeigo (Galicia)

– Bagad Brieg (Bretaña)

– Banda de Gaitas de Vega de Espinareda (El Bierzo)

– Banda de Gaitas do Ortegal (Galicia)

– Banda de Gaitas Ladrido (Galicia)

– Banda de Gaites Candás (Asturias)

– Banda Gaites Villaviciosa El Gaitero (Asturias)

– Bandina de Cuaya (Asturias)

– Escola de Gaitas de Ortigueira (Galicia)

– Peoples Ford Boghall & Bathgate Caledonia Pipe Band (Escocia)

– Petricor (Galicia)

Como broche final, na mañá do domingo 14 de xullo terá lugar o Desfile dás Nacións Celtas, onde as bandas e agrupacións participantes marcharán xuntas celebrando as súas raíces e tradicións. Esta celebración multicultural crea nas rúas unha máxica atmosfera, onde a mestura de sons, vestimentas, cores e tradicións reforza a irmandade das oito Nacións Celtas.

Nas próximas semanas daranse a coñecer os horarios e percorridos do Festival na Rúa, así como toda a información do resto das actividades que rodean ao Festival, exposicións, charlas, obradoiros de baile e concertos dentro do ciclo Festival no Teatro.

Alana e Buíoch gañan ex aequo o Concurso Runas 2024

Xul 17, 2024

O trío galego e o cuarteto irlandés actuarán no Festival de Ortigueira 2025 como gañadores da 25.ª edición do certame. Nunha edición memorable do Festival Internacional do Mundo Celta de Ortigueira, o xurado do…

O Festival de Ortigueira poderase seguir en directo

Xul 10, 2024

Os concertos do Escenario Estrella Galicia poderanse seguir a través da plataforma Tolemias, mentres que o Festival na Rúa verase no perfil de Instagram do Festival. Desde a súa creación en 1978, o Festival…

Un Festival máis feminino

Xul 05, 2024

Esta edición do Festival de Ortigueira, que terá lugar entre o xoves 11 e o domingo 14 de xullo, inclúe a tres grupos internacionais formados integramente por mulleres, subliñando a aposta da organización e…

Actividades gratuítas completan a programación do Festival de Ortigueira

Xul 01, 2024

O Comité Organizador ultima os preparativos para unha nova edición do Festival Internacional do Mundo Celta de Ortigueira, que se celebrará do 11 ao 14 de xullo. O Festival de Ortigueira prepárase para sorprender…

O Festival de Ortigueira contará coa instalación dun punto violeta e dunha plataforma PMR

Xuñ 28, 2024

O Festival Internacional do Mundo Celta de Ortigueira 2024 celebrarase do xoves 11 ao domingo 14 de xullo. A Xunta de Galicia, a través da Consellería de Política Social e Igualdade, reforzou o seu…

Scottish Fish, Böj e José Manuel Tejedor pechan a programación do Escenario Estrella Galicia

Xuñ 25, 2024

Un total de 21 grupos subirán entre o 11 e 14 de xullo ao Escenario Estrella Galicia do Festival Internacional do Mundo Celta de Ortigueira. Scottish Fish chegará o xoves 11 de xullo a…