Sons galegos, escoceses, ibéricos e irlandeses nas tres bandas emerxentes finalistas: DARACH, Xara e Rae, Dalama & Carballido 

O Concurso Runas, que cumple este ano un cuarto de século desde a súa primeira edición no 2020, ten como obxectivo a difusión da cultura e música Celta a través da promoción de grupos noveis, primando sempre as composicións propias. 

Os finalistas determináronse por un sistema de cinco votos. O primeiro, derivado da votación popular na páxina web do Festival, onde se recibiron cerca de 14.000 votos. Nesta edición, a votación popular coincidir co veredicto do xurado e deu o pase á final de dous dos grupos favoritos. As outras catro puntuacións proceden dun xurado composto por docentes, músicos e persoal do Concello vinculado coa organización do Festival, seleccionados polo Concello de Ortigueira. Este comité avaliador, encargado de analizar a relación de cada proposta coa filosofía e a tradición musical propia do Festival, estivo integrado por profesionais cunha sólida traxectoria no eido da música tradicional e na xestión cultural. O xurado do Concurso Runas 2025 formárono:

  • Ramón RaÍndo, profesor de linguaxe musical, harmonía e guitarra na Escola Municipal de Boiro e músico titulado en jazz e guitarra clásica. 
  • Rodrigo López, músico e director da Escola de Gaitas de Ortigueira. 
  • Ricardo Mouriño, integrante do grupo BÖJ, gañador do Concurso Runas no 2016, e actual profesor de gaita na Escola Municipal de Música de Ortigueira. 
  • Manel López, técnico de Cultura do Concello de Ortigueira, foi integrante de diferntes formacións, entre elas a Escola de Gaitas de Ortigueira. 

Tras o veredicto do xurado e do público, DARACH (Galicia, Escocia), Rae, Dalama & Carballido (Galicia, Escocia) e Xara (Madrid) son os tres grupos finalistas do Concurso Runas 2025, que contarán cun caché aumentado nesta edición a 2.000€. Estes actuarán o xoves 10 de xullo no Escenario Estrella Galicia, onde un novo xurado seleccionado polo Comité Organizador determinará ao grupo gañador que se subirá de novo ao escenario no 2026 xa dentro da programación ordinaria do Festival. 

DARACH é un dúo formado polo violinista escocés Roo Geddes e o guitarrista galego Hugo Franco, que fusiona as tradicións musicais de Galicia e Escocia cun enfoque contemporáneo. A súa proposta integra elementos do jazz e da música clásica, creando unha experiencia sonora íntima e emotiva. En 2024 foron galardoados co Danny Kyle Award no Celtic Connections de Glasgow.

O trío Rae, Dalama & Carballido, segundo na votación popular, nace da conexión entre tres músicos con raíces na música tradicional galega e escocesa. A súa proposta combina virtuosismo e sinxeleza, cun repertorio de temas propios e tradicionais. Tras actuar en Galicia e o Reino Unido, preséntanse como unha aposta fresca e potente no panorama folk. 

Xara, gañador da votación popular, é un cuarteto madrileño de recente formación que explora as músicas de raíz do arco atlántico, con especial atención ás tradicións ibéricas, irlandesas e escocesas. A súa proposta nace das Irish Sessions madrileñas e xa foi recoñecida como finalistas no Fiddle of London e seleccionada para os Microconcertos 2025 de La Caixa.

O Comité Organizador do Festival non quere deixar de agradecer ao público as súas votacións, a todos os aspirantes a súa participación, así como destacar o alto nivel das súas propostas. 

O Festival Internacional do Mundo Celta de Ortigueira do 2026 terá lugar entre o 9 e o 12 de xullo

Xul 25, 2025

Tras a excepcional ampliación para celebrar o 50 aniversario da Escola de Gaitas de Ortigueira deste 2025, o Festival retoma o seu formato habitual de catro días, celebrándose do xoves 9 ao domingo 12…

Ortigueira pecha con éxito unha edición histórica

Xul 14, 2025

Durante cinco días de festa, tradición e música ao máis alto nivel, a vila da Ortigueira converteuse de novo no epicentro da cultura celta, acollendo a máis de 110.000 persoas, segundo estimacións da organización…

Os 50 sentáronlle moi ben á Escola de Gaitas de Ortigueira

Xul 14, 2025

O Festival Internacional do Mundo Celta de Ortigueira culminou hoxe domingo unha edición histórica, marcada pola celebración do 50 aniversario da Escola de Gaitas de Ortigueira, protagonista absoluta dun evento que ela mesma axudou…

Milladoiro e Flook triunfan na xornada máis multitudinaria do Festival de Ortigueira

Xul 13, 2025

Milladoiro e Flook triunfan na xornada máis multitudinaria do Festival de Ortigueira A pasada noite do sábado, o Festival Internacional do Mundo Celta de Ortigueira viviu unha das súas noites máis inesquecibles cando os…

Xara, banda madrileña con influencias da música tradicional asturiana, alzase co primeiro posto no Concurso Runas 2025 e faise cun pase directo ao Festival Internacional do Mundo Celta de Ortigueira de 2026

Xul 13, 2025

O grupo percibirá 3.000 € e actuará en 2026. Xara fora seleccionada como a banda favorita na votación popular realizada o pasado mes de maio a través da web, encabezando a votación online con…

A Escola de Gaitas de Ortigueira fai historia

Xul 11, 2025

A Escola de Gaitas de Ortigueira puxo o maior punto de emoción na edición do seu 50.º aniversario. No concerto participaron 150 músicos dirixidos polos 4 directores das súas cinco décadas de vida. A…