O Festival Internacional do Mundo Celta de Ortigueira suma a Digresk, Os D´Abaixo e Dequenvessendo ao cartel de #OMáisLongoDaHistoria, que se celebrará do 10 ao 17 de xullo.
O comité organizador incorpora tres novos grupos de cara ao Festival de Ortigueira 2022. Digresk, Os D´Abaixo e Dequenvessendo únense a Tanxugueiras, Red Hot Chilli Pipers, Wolfstone, Luar na Lubre, Baiuca, Xosé Lois Romero e Aliboria, Talisk, Covagueira e Susana Seivane.
O grupo francés Digresk trae a Ortigueira o seu inconfundible estilo, unha mestura entre electrónica e rock, que eles mesmos denominan “Trad Électro Rock”, con letras reivindicativas e unha enerxía contaxiosa que de seguro porá ao público a bailar o sábado 16 de xullo.
Os D´Abaixo volven a Ortigueira e actuarán en #OMáisLongoDaHistoria. A banda galega presentará o domingo 17 de xullo, co seu característico espírito festivo, Somos a Pedra, un traballo nunha liña novidosa e reivindicativa, contra os ataques que sofre a cultura galega.
O domingo 17 de xullo actuará Dequenvessendo, o grupo folk revelación de Galicia que marabillou ao público na final do Concurso Runas 2019. Os galegos presentarán o seu último traballo, Canto das Xacias, baseado no imaxinario popular galego e cheo de sonoridades celtas e atlánticas.
Comunicado oficial: Facebook
A nosa páxina de Facebook atópase actualmente suspendida por motivos completamente alleos ao Festival de Ortigueira. Estamos a traballar para resolver esta situación e recuperala canto antes. Pedimos desculpas por calquera inconveniente que isto…
Alana e Buíoch gañan ex aequo o Concurso Runas 2024
O trío galego e o cuarteto irlandés actuarán no Festival de Ortigueira 2025 como gañadores da 25.ª edición do certame. Nunha edición memorable do Festival Internacional do Mundo Celta de Ortigueira, o xurado do…
Finaliza con éxito unha nova edición do Festival de Ortigueira con máis de 100.000 persoas
O festival celebrou catro días de concertos, desfiles e obradoiros repletos de público, a pesar da choiva nalgúns momentos da noite durante a primeira e última xornada, que tivo que suspender o seiu último…
Resumo da terceira xornada do Festival de Ortigueira 2024
O festival chegou este sábado á súa terceira xornada, inaugurada pola mañá coa recepción oficial de bandas que participarán mañá domingo no “Desfile das Nacións Celtas” A xornada inaugurouse ás 12 en punto da…
Así discorreu a segunda xornada do Festival de Ortigueira 2024
O festival chegou esta noite de venres ao seu ecuador tras unha xornada diurna e unha noite enteira de concertos que congregaron a miles de persoas nas rúas e a Alameda de Ortigueira. A…
Inaugurado o Festival de Ortigueira 2024
O acto tivo lugar na praza Isabel II, no que participaron autoridades, bandas e tivo lugar o izado de bandeiras das nacións celtas. Ás oito en punto da tarde, o presentador do acto, Xalo,…