Finalizado o prazo para a presentación de solicitudes para o Concurso Runas 2022, recibiuse a participación de 21 bandas de Galicia, Castela e León, Andalucía, Valencia, País Vasco, Madrid, Irlanda, Escocia e Italia. 

Tras se reunir o comité técnico do Concello de Ortigueira para avaliar as propostas presentadas, e a súa relación coa música propia do Festival en sintonía coa programación do evento, son 10 as bandas seleccionadas no 2022. O comité destacou a dificultade da elección dada a altísima calidade das bandas presentadas.

Estas clasifícanse para a segunda fase do concurso, na que se da inicio ás votacións online na web do Festival. Cada persoa que o desexe poderá escoitar as propostas de cada grupo e votar polos seus 3 favoritos en www.festivaldeortigueira.com/runas. As votacións estarán abertas ata o venres 20 de maio ás 14:00 h. 

Do resultado do proceso de votacións online, que se sumarán ás emitidas polo propio xurado, sairán os tres grupos finalistas que actuarán na edición do 2022, que se celebrará do 10 ao 17 de xullo do 2022. 

Os tres grupos finalistas serán anunciados nas redes sociais e na web do Festival, á razón dun grupo cada día, mércores 25, xoves 26 e venres 27 de maio do 2022. Desde a elección dos finalistas ata a celebración de #OMáisLongoDaHistoria promocionaráselles a través da publicación dos seus temas, entrevistas con algún dos seus membros, publicación de vídeos, etc. 

As 10 bandas seleccionadas na presente edición son:

Batea – Galicia

De Ninghures – Galicia

Dobregalúa – Galicia

Fiárock – Irlanda

Folk on Crest – Castela e León

JDC – Madrid

Leirabuxo – Galicia

Madderam – Escocia

Pelepau – Galicia

Sarrabete – País Vasco

O Concurso Runas, que se vén celebrando desde o ano 2000, ten como obxectivo a difusión da cultura e música celta a través da promoción dos grupos noveis que se lanzan ao mercado, primando sempre as composicións propias.

O Festival de Ortigueira abre a convocatoria do Concurso Runas 2024

Abr 05, 2024

O certame, destinado a fomentar a promoción de novos valores da música Celta, chega a súa 25.ª edición nun Festival de Ortigueira que retoma o formato de catro días do 11 ao 14 de…

Presentado o Festival de Ortigueira 2024

Mar 15, 2024

O Concello de Ortigueira presentou hoxe venres o cartel e un avance da programación da cita de 2024, que celebrarase do 11 ao 14 de xullo. O acto tivo lugar ás 20:00 h no…

Un concurso decidirá o cartel do Festival de Ortigueira 2024

Feb 07, 2024

Será dotado con 2.000 € e aberto a artistas de todo o mundo. O prazo para presentar candidaturas termina o luns 26 de febreiro de 2024. O cartel do Festival Internacional do Mundo Celta…

Os concellos de Ortigueira e Cortegana asinan un acordo para o fomento dos seus festivais

Xan 25, 2024

Ambos consistorios buscan seguir fomentando un dos seus principais atractivos turísticos comúns, a música celta a través do Festival Internacional do Mundo Celta de Ortigueira e o Festival Internacional Sierra Celta de Cortegana. Este…

Primeiros grupos confirmados para o Festival Internacional do Mundo Celta de Ortigueira 2024

Xan 24, 2024

O alcalde e responsable do Festival, Valentín Calvín, anuncia en FITUR os catro primeiros grupos que pasarán por Ortigueira do 11 ao 14 de xullo. Como vén sendo habitual, o festival de música Celta…

O Festival de Ortigueira 2024 celebrarase do 11 ao 14 de xullo

Set 08, 2023

O novo executivo local vén de conformar o Comité Organizador do Festival Internacional do Mundo Celta de Ortigueira que, na súa primeira reunión, acorda as datas e a duración da próxima edición. Este novo…