O voto popular, con máis de 23.000 participacións, foi determinante nunha edición na que das 21 bandas, máis da metade chegaron desde fóra de Galicia. 

Os finalistas determináronse por un sistema de cinco puntuacións. A primeira derivada da votación popular na páxina web do festival, e as outras catro puntuacións proceden dun xurado composto por músicos e profesionais do sector seleccionados polo Concello de Ortigueira, que analizaron para o seu veredicto a relación de cada proposta coa filosofía e tradición musical propia do festival, en sintonía coa programación artística do evento de 2022. 

O xurado do Concurso Runas 2022 formárono:

Ángel Lozano, concelleiro de Deportes e Festival do Concello de Ortigueira.

Bruno Lozano, músico, gaiteiro e presidente da Escola de Gaitas de Ortigueira.

Arturo Lamas, músico, gaiteiro e presidente do Real Coro Toxos e Froles de Ferrol.

Elisardo de la Cruz, membro do Gabinete de Prensa e Redes Sociais do Festival de Ortigueira. 

A puntuación derivada do voto do público, sumada á valoración do xurado deu como resultado unha das votacións máis axustadas da historia do Concurso Runas.

Tras o veredicto do xurado e do público, JDC, Batea e Folk On Crest son os tres grupos finalistas do Concurso Runas 2022. Estes actuarán xunto aos finalistas das edicións de 2020 (Faíscas da Pontraga, Deira e Holiday Club) e 2021 (Groovy Celtic Band, Trikitrí e Germán Ruiz) no Festival de Ortigueira 2022. Da actuación dos 9 finalistas dos anos 2020 (3), 2021 (3) e 2022 (3), sairán os 3 gañadores que actuarán no ano 2023 no escenario principal.

JDC, grupo liderado polo artista madrileño Jesús del Castillo. Desde pequeno estudou gaita galega e gaita electrónica, ademais doutros instrumentos como a uilleann pipe ou los tim whistles, os cales lle axudaron na súa especialización na música celta do norte de Europa. A súa música é unha fusión de todos estes elementos, combinando á perfección a cultura e a tradición coa electrónica. 

O grupo vigués Batea, que nace en 2020, é un proxecto netamente instrumental, cheo de intensidade e orixinalidade, no que a sonoridade da música celta irmándase coa do rock. Os seus seis integrantes, músicos con traxectorias e formacións diversas, aportan cada un a súa visión ao proxecto para confluíren nunha proposta musical única.  

O grupo salmantino Folk On Crest, gañadores da votación popular, fusionan a súa creatividade para crear un estilo propio, coa mestura de temas tradicionais e de composición propia co obxectivo de exportar a música “charra” e da meseta castelá-leonesa. 

Deste modo, o Concurso Runas segue a acumular edicións ininterrompidamente, sobrevivindo á pandemia e mantendo inalterable o seu obxectivo de promocionar os novos valores da música Celta. 

Os tres grupos gañadores actuarán o martes 12 de xullo en #OMáisLongoDaHistoria, que se celebrará do 10 ao 17 de xullo, coa actuación de máis de 40 formacións musicais, cun protagonismo principal para o folk feito en Galicia.

Ademais, a organización lembra que ata o mércores 8 de xuño atópase aberto o prazo para presentar solicitudes para participar na Feira de Artesanía, así como para presentar solicitudes para a adxudicación de espazos públicos para postos de restauración e hostalaría ata o xoves 23 de xuño. Tal e como rezan as bases de ambas convocatorias, só será válida a entrega da documentación por correo certificado ou mediante entrega presencial.

Consulta as bases de artesanía en: www.festivaldeortigueira.com/artesania 

Consulta as bases de restauración e hostalaría en: www.festivaldeortigueira.com/restauracion

O Festival de Ortigueira 2024 celebrarase do 11 ao 14 de xullo

Set 08, 2023

O novo executivo local vén de conformar o Comité Organizador do Festival Internacional do Mundo Celta de Ortigueira que, na súa primeira reunión, acorda as datas e a duración da próxima edición. Este novo…

O Festival de Ortigueira finaliza con éxito unha edición “astronómica”

Ago 07, 2023

Os Carecos, Xabier Díaz & Adufeiras de Salitre e Covagueira son as estrelas que pechan cos seus concertos unha edición que, como ben describía o cartel deste ano, ía ter dimensións cósmicas. 70 horas…

Os aragoneses Muro Kvartet, gañadores do Concurso Runas 2023

Ago 07, 2023

Finalmente foi a aposta do grupo maño, a que lles permitirá volver ao Festival en 2024, como gañadores no que será o 25.º aniversario deste concurso, que segue mantendo inalterable o seu obxectivo de…

Inaugurado o Festival Internacional do Mundo Celta de Ortigueira. Hoxe domingo comenzan oito días de concertos gratuitos, obradoiros e actividades

Ago 07, 2023

45 grupos de diferentes países no escenario Estrella Galicia e nas rúas de Ortigueira entre o domingo 9 e o domingo 16 de xullo. Agárdase unha una afluencia de 80.000 personas para desfrutar da…

Máis de 15 bandas e agrupacións pechan o cartel do Festival de Ortigueira

Xuñ 23, 2023

As formacións encargadas de encher de música e ledicia as rúas de Ortigueira poñen a guinda a unha programación que volverá converter a Ortigueira na capital da cultura celta durante oito días. Apenas quedan…

Dous grupos asturianos e un aragonés, finalistas do Concurso Runas 2023

Mai 26, 2023

Guieldu, Alienda e Muro Kvartet chegan á final deste concurso, que en vésperas a alcanzar o cuarto de século, segue mantendo inalterable o seu obxectivo de promocionar os novos valores da música Celta. Os…