O Festival Internacional do Mundo Celta de Ortigueira incorpora tres novas agrupacións galegas ao cartaz de #OMáisLongoDaHistoria, que se celebrará do 10 ao 17 de xullo.

O comité organizador confirma a súa aposta por seguir apoiando e difundindo a cultura galega, máis que nunca nesta edición e confirma tres novas incorporacións ao cartaz de 2022, Caldo, Os da Porfía e Óscar Fernández & Manu Fraguela.

María Jorge, Anaïs Barbier e Pedro Fariñas forman Caldo, un trío afincado no Valmiñor que une a música tradicional con contextos sonoros contemporáneos, experimentando cos propios instrumentos que toca cada un (violín, pandeireta, guitarra e gaita). A súa proposta integra melodías tradicionais galegas e composicións propias con influencias das músicas europeas e atlánticas. Caldo actuará en #OMáisLongoDaHistoria o venres 15 de xullo dentro do ciclo #FestivalNoTeatro.

O grupo santiagués Os da Porfía, nado en 2016, bebe directamente da música tradicional. Subirán o luns 11 de xullo ao escenario principal do Festival de Ortigueira cun repertorio rico en muiñeiras, jotas e maneos. Os seus ritmos de raíz, con toques actuais e moi alegres, leváronos a diversos festivais nacionais e internacionais como o Festival Intercéltico de Lorient (Francia).

Óscar Fernández & Manu Fraguela, tras se coñecer na Escola de Zanfonas do Padroado da Cultura de Narón como profesor e alumna, deciden unirse para preparar un repertorio para dúo de zanfonas con dúas zanfonas xemelgas. O dúo ofreceranos o venres 15 de xullo, dentro do ciclo #FestivalNaIgrexa, música instrumental adaptada e novas composicións para zanfona, inspiradas na tradición galega, castelá, macedonia e búlgara.

Ademais, a organización lembra que ata o mércores 8 de xuño atópase aberto o prazo para presentar solicitudes para participar na Feira de Artesanía, igualmente, para presentar solicitudes para a adxudicación de espazos públicos para postos de restauración e hostalaría, o prazo estará aberto ata o xoves 23 de xuño. Tal e como rezan as bases de ambas convocatorias, só será válida a entrega da documentación por correo certificado ou mediante entrega presencial.

Consulta as bases de artesanía en: www.festivaldeortigueira.com/artesania

Consulta as bases de restauración e hostalaría en: www.festivaldeortigueira.com/restauracion

O Festival Internacional do Mundo Celta de Ortigueira anuncia as datas de celebración da edición de 2023. A aposta pola ampliación de datas mantense con oito días de duración, do 9 ao 16 de xullo.

Xan 20, 2023

Acabouse a espera. O Alcalde de Ortigueira, Juan Penabad Muras, confirmou na Feira Internacional de Turismo FITUR o que os milleiros de seguidores do Festival agardaban con impaciencia. E levan unha nova alegría, o…

O Festival de Ortigueira foi homenaxeado na XXXIV Xuntanza de Gaiteiros

Out 31, 2022

A Banda de Gaitas Tradicional Airiños de Fene homenaxeou ao Festival Internacional do Mundo Celta de Ortigueira na 34ª edición da Xuntanza de Gaiteiros, que se celebrou este sábado 29 de outubro.  A S.C.R.D.…

O Festival de Ortigueira, mellor festival de Galicia nos IX Premios Martín Códax da Música

Out 06, 2022

#OMáisLongoDaHistoria gaña o prestixioso premio que otorga a Asociación Músicas ao Vivo. Onte déronse a coñecer os gañadores dos IX Premios Martín Códax da Música na gala celebrada no Pazo da Cultura de Pontevedra.…

Os galegos Trikitrí, os madrileños JDC e os escoceses Holiday Club, gañadores do concurso Runas 2022

Xul 16, 2022

Cada grupo percibe 3.000 € e os tres grupos actuarán en 2023. A Comisión de selección para os finalistas e gañador do Proxecto Runas 2022, unha vez analizados os grupos finalistas dos anos 2020,…

CAMBIO: Óscar Fernández & Manu Fraguela actuarán o 16 de xullo no #FestivalNoTeatro durante #OMáisLongoDaHistoria

Xuñ 20, 2022

O concerto de Óscar Fernández e Manu Fraguela pasa ao sábado 16 no Teatro de Beneficencia en lugar do venres na Igrexa. Óscar Fernández & Manu Fraguela, tras se coñecer na Escola de Zanfonas…

A Escola de Gaitas de Ortigueira encabezará #OMáisLongoDaHistoria

Xuñ 17, 2022

Fundadora do Festival en 1978 e todo un referente en Galicia, será un ano máis pulmón, corazón e alma do Festival Internacional do Mundo Celta de Ortigueira,  que se celebrará do 10 ao 17…