Os Carecos e Covagueira poñerán, xunto a Xabier Díaz, o broche douro ao Festival Internacional do Mundo Celta de Ortigueira 2023, que se celebrará do 9 ao 16 de xullo.

Coa incorporación de Os Carecos e Covagueira, complétase a programación musical do escenario principal e do Teatro de Beneficencia, que contará coas actuacións de Algaire, Anxo Lorenzo e Eoghan Neff, A Banda das Crechas, Bagad Sonerien An Oriant, David Bellas, Elephant Sessions, Escola de Gaitas de Ortigueira, Felpeyu, Fetén Fetén con P. Pascual, Four Men and a Dog, Holiday Club, JDC, Le Vent du Nord, Mallou, Mec Lir, Peoples Ford Boghall & Bathgate Caledonia Pipe Band, Rubén Díaz, Rura, SonDeSeu, Startijenn, Talisk, Trikitrí, Xabier Díaz, Xisco Feijoó e Xurxo Fernandes.

Os Carecos, o grupo de pandeireteiros formado por Samuel, Diego e Carlos, actuará o domingo 16 de xullo. Ao longo dos anos, percorreron moitos lugares de Galicia, levando as súas raíces e o nome de Ortigueira e Cariño por seráns, foliadas e grandes festivais, nunha evolución vocal, musical e cultural que nunca deixa de crecer.

Covagueira, o grupo nado no seo da Escola de Gaitas de Ortigueira, volverá subirse ao escenario principal o domingo 16 de xullo. Un grupo formado en 2015 que foi evolucionando en diversos formatos ata chegar en 2019 á formación actual, con novos instrumentos e sons, pero mantendo a esencia característica de Covagueira.  

Segundo declaracións do alcalde de Ortigueira, Juan Penabad “Desde o comité organizador queremos poñer en valor a calidade das nosas formacións locais, colocándoas onde se merecen, á altura do resto de agrupacións internacionais. O noso obxectivo segue sendo o de poñer en valor a nosa cultura, e ninguén mellor para facelo que a xente que creceu vivindo o Festival”.

Por outra banda, onte deuse a coñecer que o compositor, produtor e músico vasco Kepa Junkera, volverá a Ortigueira o vindeiro sábado 24 de xuño para presentar no Teatro de Beneficencia o seu documental e libro “Berpiztu”, no que repasa a súa vida e carreira discográfica. 

Ángel Lozano, concelleiro do Festival, declarou “Kepa sempre estivo ligado a Ortigueira, en canto coñecimos o seu novo proxecto, converteuse nunha das nosas prioridades para este ano“.

Nas próximas semanas daranse a coñecer as bandas que encherán as rúas de Ortigueira coa súa música, así como os obradoiros de baile e exposicións que levarán a cabo durante o Festival.

Dous grupos asturianos e un aragonés, finalistas do Concurso Runas 2023

Mai 26, 2023

Guieldu, Alienda e Muro Kvartet chegan á final deste concurso, que en vésperas a alcanzar o cuarto de século, segue mantendo inalterable o seu obxectivo de promocionar os novos valores da música Celta. Os…

Mallou, Bagad Sonerien An Oriant e Peoples Ford Boghall & Bathgate Caledonia Pipe Band se suman ao cartel do Festival de Ortigueira

Mai 19, 2023

O Festival Internacional do Mundo Celta de Ortigueira incorpora tres novas agrupacións chegadas dende Galicia, Bretaña e Escocia ao cartel de #EscoitaÁsEstrelas, que se celebrará do 9 ao 16 de xullo. Coa actuación de…

Aberta a convocatoria para a Feira de Artesanía do Festival de Ortigueira 2023

Mai 12, 2023

O Festival Internacional do Mundo Celta de Ortigueira abre o prazo para a presentación de propostas para a Feira de Artesanía, que terá lugar do 9 ao 16 de xullo. Xa están dispoñibles as…

O Festival de Ortigueira presenta aos 10 candidatos seleccionados do Concurso Runas 2023 e abre a votación online

Mai 05, 2023

O Concurso Runas, que se vén celebrando desde o ano 2000, ten como obxectivo a difusión da cultura e a música celta a través da promoción dos grupos noveis. O comité técnico do Concello…

Elephant Sessions, Mec Lir e A Banda das Crechas novas confirmacións para Ortigueira 2023

Mai 02, 2023

O Festival Internacional do Mundo Celta de Ortigueira incorpora a Elephant Sessions, Mec Lir e A Banda das Crechas ao cartel de #EscoitaÁsEstrelas, que se celebrará do 9 ao 16 de xullo. Despois dos…

O Festival de Ortigueira abre o Concurso Runas 2023 para grupos noveis

Abr 04, 2023

A iniciativa, destinada a fomentar a promoción de novos valores da música Celta, chega a súa 24.ª edición nun ano no que, por segunda vez consecutiva, o Festival de Ortigueira se celebrará durante oito…