O Festival Internacional do Mundo Celta de Ortigueira incorpora tres novas agrupacións chegadas dende Galicia, Bretaña e Escocia ao cartel de #EscoitaÁsEstrelas, que se celebrará do 9 ao 16 de xullo.
Coa actuación de Mallou, o comité organizador confirma a súa aposta por seguir apoiando e difundindo a cultura galega. A esta súmanselles dúas apostas internacionais, a banda Peoples Ford Boghall & Bathgate Caledonia Pipe Band que chega dende Escocia e a Bagad Sonerien an Oriant, agrupación bretoa que recentemente celebrou o seu 40º. aniversario.
Mallou presentaranos o mércores 12 en el Teatro de Beneficencia un repertorio onde entrelazan cancións que forman parte do ideario musical galego con creacións e composicións propias. Sabela Rey Bello e Benxamín Vázquez trenzan as súas traxectorias e sensibilidades musicais dando forma a un proxecto sutil e intenso, contido e enérxico, íntimo e sólido, facendo de Mallou unha paisaxe sonora con fortes raíces na tradición.
La Bagad Sonerien An Oriant chegará a Ortigueira o venres 14 de xullo. Fundada en Lorient en 1982, leva máis de 40 anos percorrendo as rúas de Bretaña para compartir a súa paixón cun público cada vez maior. A asociación, composta por máis de 150 membros e catro formacións, subirase ao escenario de Ortigueira coa súa formación principal.
Peoples Ford Boghall & Bathgate Caledonia Pipe Band, unha das bandas escocesas máis galardoadas, actuará en Ortigueira o próximo sábado 15 de xullo. Con máis de cincuenta anos de historia, a agrupación é todo un referente no que se refire á ensinanza, conseguindo que a maioría dos membros da súa formación principal procedan da súa canteira.
Estas tres confirmacións súmanse ás de Algaire, Anxo Lorenzo e Eoghan Neff, A Banda das Crechas, David Bellas, Elephant Sessions, Escola de Gaitas de Ortigueira, Felpeyu, Fetén Fetén con P. Pascual, Four Men and a Dog, Holiday Club, JDC, Le Vent du Nord, Mec Lir, Rubén Díaz, Rura, SonDeSeu, Startijenn, Talisk, Trikitrí, Xabier Díaz, Xisco Feijoó e Xurxo Fernandes.
A próxima semana coñeceremos aos tres finalistas do Concurso Runas 2023 aos dous grupos que pecharán o domingo 16 de xullo, xunto a Xabier Díaz, esta edición do Festival.
Ademais, recordamos que se encontra aberto ata o luns 29 de maio o prazo para presentar propostas para a adxudicación de casetas e espazos públicos na Feira de Artesanía. As persoas interesadas poderán consultar as bases en www.festivaldeortigueira.com/artesania.
Comunicado oficial: Facebook
A nosa páxina de Facebook atópase actualmente suspendida por motivos completamente alleos ao Festival de Ortigueira. Estamos a traballar para resolver esta situación e recuperala canto antes. Pedimos desculpas por calquera inconveniente que isto…
Alana e Buíoch gañan ex aequo o Concurso Runas 2024
O trío galego e o cuarteto irlandés actuarán no Festival de Ortigueira 2025 como gañadores da 25.ª edición do certame. Nunha edición memorable do Festival Internacional do Mundo Celta de Ortigueira, o xurado do…
Finaliza con éxito unha nova edición do Festival de Ortigueira con máis de 100.000 persoas
O festival celebrou catro días de concertos, desfiles e obradoiros repletos de público, a pesar da choiva nalgúns momentos da noite durante a primeira e última xornada, que tivo que suspender o seiu último…
Resumo da terceira xornada do Festival de Ortigueira 2024
O festival chegou este sábado á súa terceira xornada, inaugurada pola mañá coa recepción oficial de bandas que participarán mañá domingo no “Desfile das Nacións Celtas” A xornada inaugurouse ás 12 en punto da…
Así discorreu a segunda xornada do Festival de Ortigueira 2024
O festival chegou esta noite de venres ao seu ecuador tras unha xornada diurna e unha noite enteira de concertos que congregaron a miles de persoas nas rúas e a Alameda de Ortigueira. A…
Inaugurado o Festival de Ortigueira 2024
O acto tivo lugar na praza Isabel II, no que participaron autoridades, bandas e tivo lugar o izado de bandeiras das nacións celtas. Ás oito en punto da tarde, o presentador do acto, Xalo,…