Finalmente foi a aposta do grupo maño, a que lles permitirá volver ao Festival en 2024, como gañadores no que será o 25.º aniversario deste concurso, que segue mantendo inalterable o seu obxectivo de promocionar os novos valores da música Celta. 

E a verdade é que non o tiveron fácil. Eran os primeiros e iso sempre ten ao público algo máis frío. Pero lonxe de amedrentarse, Juan Zalba, Álex Prats, Andrés Campos e Laura Sorribas foron atraendo ao público con cada tema, de modo que case sen darse conta, ao terceiro xa eran centos os que facían vibrar a Alameda de Ortigueira cunha aposta cuxa orixinalidade fixo caer a balanza do seu lado. 

A noite parecía pintar asturiana, tanto porque eran maioría de finalistas (dous de tres), como porque tanto Alienda, cunha frescura e unha melodía que namorou ao público asistente, como a mestría de Guieldu, cunha execución dunha gran altura, fixeron saltar e gozar a un público que quedou con gana de máis dos tres grupos. Pero foi o grupo aragonés o que levou o trunfo final. “Quen dixo que non se podía bailar cun cuarteto de corda?” esa frase que lanzaron en redes sociais e que repiten cal mantra, define unha aposta que explora as posibilidades do cuarteto de corda. A fusión das novas rítmicas e sonoridades folks coas músicas do mundo, ofrece un resultado repleto de calidade, frescura e creatividade. Os seus membros fan partícipes a todos os públicos dun concerto que non deixa indiferente. 

O seu espectáculo estivo cheo de enerxía e dinamismo. Como eles afirman, o cuarteto de corda é a formación clásica por excelencia, pero esconde un universo de sons e historias que contar. Muro achegou a esta viaxe aos asistentes ao concerto dunha forma dinámica e chea de sorpresas mediante unha posta en escena innovadora e divertida, técnicas estendidas e un apoio electrónico, nunha fórmula que fai augurar a esta formación un futuro moi prometedor no mundo da música en xeral e no do folk en particular. 

O xurado estivo integrado por Alberto Balboa (coordinador do Festival Internacional do Mundo Celta de Ortigueira), Bruno Lozano (presidente da Escola de Gaitas de Ortigueira) Segundo Grandío (produtor musical) e Elisardo da Cruz (membro do departamento de prensa do Festival, publicista e actor). Todos eles queren insistir no difícil do veredicto, debido á altísima calidade dos grupos participantes, aos que non queren deixar de agradecer o seu esforzo e aposta pola difusión da música celta.

Ortigueira pecha con éxito unha edición histórica

Xul 14, 2025

Durante cinco días de festa, tradición e música ao máis alto nivel, a vila da Ortigueira converteuse de novo no epicentro da cultura celta, acollendo a máis de 110.000 persoas, segundo estimacións da organización…

Os 50 sentáronlle moi ben á Escola de Gaitas de Ortigueira

Xul 14, 2025

O Festival Internacional do Mundo Celta de Ortigueira culminou hoxe domingo unha edición histórica, marcada pola celebración do 50 aniversario da Escola de Gaitas de Ortigueira, protagonista absoluta dun evento que ela mesma axudou…

Milladoiro e Flook triunfan na xornada máis multitudinaria do Festival de Ortigueira

Xul 13, 2025

Milladoiro e Flook triunfan na xornada máis multitudinaria do Festival de Ortigueira A pasada noite do sábado, o Festival Internacional do Mundo Celta de Ortigueira viviu unha das súas noites máis inesquecibles cando os…

Xara, banda madrileña con influencias da música tradicional asturiana, alzase co primeiro posto no Concurso Runas 2025 e faise cun pase directo ao Festival Internacional do Mundo Celta de Ortigueira de 2026

Xul 13, 2025

O grupo percibirá 3.000 € e actuará en 2026. Xara fora seleccionada como a banda favorita na votación popular realizada o pasado mes de maio a través da web, encabezando a votación online con…

A Escola de Gaitas de Ortigueira fai historia

Xul 11, 2025

A Escola de Gaitas de Ortigueira puxo o maior punto de emoción na edición do seu 50.º aniversario. No concerto participaron 150 músicos dirixidos polos 4 directores das súas cinco décadas de vida. A…

Inaugurado o Festival Internacional do Mundo Celta de Ortigueira no aniversario da Escola de Gaitas de Ortigueira

Xul 09, 2025

No acto inaugural do Festival, que se completou coa firma do presidente da Xunta de Galicia no libro de honra do evento, homenaxeouse á Escola de Gaitas de Ortigueira polo seu 50º. aniversario e…