O alcalde e responsable do Festival, Valentín Calvín, anuncia en FITUR os catro primeiros grupos que pasarán por Ortigueira do 11 ao 14 de xullo.

Como vén sendo habitual, o festival de música Celta máis importante de España (e un dos máis importantes do mundo) afai ser un fixo nas presentacións da Feira Internacional de Turismo que se celebra en Madrid nestes días. A vila ortegana transfórmase durante a segunda semana de xullo, na capital mundial da cultura celta e a ela chegan seguidores, fieis, folkies, tradis, turistas e curiosos de todas partes do mundo para compartir catro días cargados de cultura, música, talleres, boa comida e, todo iso, con vistas á ría de Ortigueira, que proporciona un pano de fondo máxico onde natureza e folk coexisten en perfecta harmonía.

Na súa intervención, o rexedor avanzou os primeiros nomes da que sen dúbida é unha cita ineludible entre os festivai de verán en Galicia. Confirmou a asistencia do grupo de moda do folk galego, Fillas de Cassandra, un dos máis reclamados polo público. María Pérez (voz e percusión) e Sara Faro (voz, percusión e piano) subiranse ao escenario principal do Festival por primeira vez para compartir co público da Alameda a súa tradición musical e oral cunha combinación de folklore, electrónica, pop e dramaturxia.

No plano internacional, Green Lads aterrará por primeira vez en España para debutar en Ortigueira coa súa mestura de música irlandesa e ritmos electrónicos. O grupo bretón leva desde 2018 sendo unha das formacións punteiras en Francia, actuando en festivais como o de Cornualles, Fillet Bleu en Bretaña ou o Festival do Rei Arturo, entre outros. 

A banda escocesa Peoples Ford Boghall & Bathgate Caledonia Pipe Band repetirá no Festival, pero esta vez como campións do mundo, pois veñen de proclamarse por primeira vez como gañadores do Campionato Mundial de Bandas de Gaitas, celebrado o pasado agosto en Glasgow. 

O rexedor anunciou tamén a actuación da Escola de Gaitas de Ortigueira. A fundadora do Festival é un dos seus elementos fundamentais, e este ano máis se cabe, pois forma parte do recentemente formado Comité Organizador, creado para unha mellor xestión do evento. 

Esta edición contará tamén con talleres de baile e música, exposicións, Feira de Artesanía  e concertos na igrexa e o teatro, sen esquecer a gastronomía galega, que estará notablemente enriquecida polos numerosos bares e restaurantes da zona do Ortegal, así como de food trucks cunha variada representación dos nosos pratos en formato máis “portátil”. 

Calvín terminou resaltando a transcendencia que para Ortigueira, Galicia e España ten esta cita turística e cultural única, que sitúa a Ortigueira no mapa e descobre, para milleros de turistas, un destino auténtico no que o encontro coa natureza, a cultura e a gastronomía galega permanecen fieis ás súas raíces, sen aditivos nin colorantes de ningún tipo.

O Festival de Ortigueira encherá as rúas de música

Xuñ 17, 2024

O Comité Organizador ultima os preparativos para a cita máis importante do ano, o Festival Internacional do Mundo Celta de Ortigueira, que terá lugar entre o 11 e o 14 de xullo. O Festival…

Aberta a convocatoria de servizos de restauración para o Festival de Ortigueira

Mai 27, 2024

O Festival Internacional do Mundo Celta de Ortigueira abre o prazo de presentación de propostas para a concesión de servizos de hostalaría, restauración, food trucks ou similares durante o Festival, que se celebrará do…

Alana, Buíoch e Picarós, finalistas do Concurso Runas 2024

Mai 24, 2024

Estes tres grupos noveis, formados en 2023, 2020 e 2021 respectivamente, terán a oportunidade de subirse ao escenario do Festival Internacional do Mundo Celta de Ortigueira grazas ao Concurso Runas nunha edición na que…

Aberta a votación en liña do Concurso Runas 2024

Mai 07, 2024

O Comité Organizador do Festival Internacional do Mundo Celta de Ortigueira anuncia aos 10 grupos semifinalistas do certame, que este ano chega á súa 25ª edición. O Concurso Runas, que vén celebrando desde o…

O Festival de Ortigueira abre a convocatoria para a Feira de Artesanía

Abr 19, 2024

O Festival Internacional do Mundo Celta de Ortigueira abre o prazo para a presentación de propostas para a Feira de Artesanía, que terá lugar do 11 ao 14 de xullo. Xa están dispoñibles as…

O Festival de Ortigueira abre a convocatoria do Concurso Runas 2024

Abr 05, 2024

O certame, destinado a fomentar a promoción de novos valores da música Celta, chega a súa 25.ª edición nun Festival de Ortigueira que retoma o formato de catro días do 11 ao 14 de…