Ambos consistorios buscan seguir fomentando un dos seus principais atractivos turísticos comúns, a música celta a través do Festival Internacional do Mundo Celta de Ortigueira e o Festival Internacional Sierra Celta de Cortegana.

Este mércores 24 o alcalde de Ortigueira, Valentín Calvín, e a alcaldesa de Cortegana, María del Mar Mantín, desprazáronse ata FITUR para asinar na caseta de Andalucía un protocolo de colaboración entre ambos concellos en materia de cultura e música tradicional, en defensa e potenciación das actividades que ambas administracións desenvolven.

Ambos concellos poderán desenvolver de forma conxunta actividades que beneficien a ambos festivais e, para iso, creouse unha comisión técnica formada polos directores dos respectivos festivais e polos rexedores de Ortigueira e Cortegana.

Valentín Calvín declarou estar “moi contento por seguir facendo crecer a cultura e a música celta coa colaboración entre ambos concellos” xa que, segundo afirmou, “isto é o punto de partida cara a futuras colaboracións con festivais de dentro e fóra das nosas fronteiras”.

A alcaldesa de Cortegana, María del Mar Martín, mostrouse “moi ilusionada con este convenio que une esforzos para conseguir obxectivos comúns nun ámbito como o da cultura e a música”. A primeira edil agradeceu a predisposición do Concello de Ortigueira para levar a cabo este importante proxecto común.

O Festival Internacional do Mundo Celta de Ortigueira, organizado polo Concello de Ortigueira, converteuse por méritos propios nun dos eventos musicais máis multitudinarios de toda España e nunha cita ineludible do verán, así como un dos referentes mundiais do folk e da música celta. A súa magnitude excede xa o puramente musical, consolidándose como un espazo libre onde conflúen xentes chegadas dos máis diversos puntos da xeografía mundial.

Neste 2024 celebrarase do 11 ao 14 de xullo e xa conta cos seus primeiros catro grupos confirmados: Fillas de Cassandra, Green Lads, Peoples Ford Boghall & Bathgate Caledonia Pipe Band e a fundadora do Festival en 1978, a Escola de Gaitas de Ortigueira.

Desde a posta en marcha do Festival Internacional Sierra Celta de Cortegana o Concello de Cortegana, o seu organizador, apostou decididamente por el co obxectivo de consolidalo como un referente da música celta en España e no sur de Europa. Celébrase aos pés do Castillo de Cortegana, un dos principais atractivos turísticos da zona. A maxia do medievo, a música celta, a gastronomía, unha programación cargada de actividades para toda a familia e o bo ambiente que se respira na serra onubense, son o seu prato forte.

Ortigueira e Cortegana selan así un acordo de colaboración que esperan permita achegar ambas as localidades a través da cultura e fomente unha unión que creza cada ano e xere vínculos que enriquezan cultural, económica e turIsticamente a ambas as poboacións.

Un concurso decidirá o cartel do Festival de Ortigueira 2024

Feb 07, 2024

Será dotado con 2.000 € e aberto a artistas de todo o mundo. O prazo para presentar candidaturas termina o luns 26 de febreiro de 2024. O cartel do Festival Internacional do Mundo Celta…

Primeiros grupos confirmados para o Festival Internacional do Mundo Celta de Ortigueira 2024

Xan 24, 2024

O alcalde e responsable do Festival, Valentín Calvín, anuncia en FITUR os catro primeiros grupos que pasarán por Ortigueira do 11 ao 14 de xullo. Como vén sendo habitual, o festival de música Celta…

O Festival de Ortigueira 2024 celebrarase do 11 ao 14 de xullo

Set 08, 2023

O novo executivo local vén de conformar o Comité Organizador do Festival Internacional do Mundo Celta de Ortigueira que, na súa primeira reunión, acorda as datas e a duración da próxima edición. Este novo…

O Festival de Ortigueira finaliza con éxito unha edición “astronómica”

Ago 07, 2023

Os Carecos, Xabier Díaz & Adufeiras de Salitre e Covagueira son as estrelas que pechan cos seus concertos unha edición que, como ben describía o cartel deste ano, ía ter dimensións cósmicas. 70 horas…

Os aragoneses Muro Kvartet, gañadores do Concurso Runas 2023

Ago 07, 2023

Finalmente foi a aposta do grupo maño, a que lles permitirá volver ao Festival en 2024, como gañadores no que será o 25.º aniversario deste concurso, que segue mantendo inalterable o seu obxectivo de…

Inaugurado o Festival Internacional do Mundo Celta de Ortigueira. Hoxe domingo comenzan oito días de concertos gratuitos, obradoiros e actividades

Ago 07, 2023

45 grupos de diferentes países no escenario Estrella Galicia e nas rúas de Ortigueira entre o domingo 9 e o domingo 16 de xullo. Agárdase unha una afluencia de 80.000 personas para desfrutar da…