Esta edición do Festival de Ortigueira, que terá lugar entre o xoves 11 e o domingo 14 de xullo, inclúe a tres grupos internacionais formados integramente por mulleres, subliñando a aposta da organización e o crecente recoñecemento das artistas femininas en xéneros musicais tradicionalmente dominados por homes.

Xa o propio cartel desta edición presentado no mes de marzo e deseñado por Jorge Arteaga, salienta o papel protagonista da muller na música folk e celta coa ilustración dunha gaiteira.

O Festival de Ortigueira non só celebra a diversidade e a innovación na música celta, senón que tamén resalta o impacto das mulleres que están a transformar a escena musical. Scottish Fish, Kinarris Quintet e Fillas de Cassandra deleitarán coa súa música ao público da Alameda no evento máis multitudinario da música celta e folk en España. Estes grupos femininos non só achegan novas perspectivas e estilos, senón que tamén inspiran ás futuras xeracións a seguir os seus pasos e a romper barreiras de xénero.

Scottish Fish chegará o xoves 11 a Ortigueira desde Boston. O quinteto é coñecido polo seu entusiasmo xuvenil, arranxos orixinais e actuacións cheas de enerxía, nas que ofrecen unha renovada visión da música tradicional e contemporánea escocesa e bretoa.

Con base en Glasgow, Kinnaris Quintet destaca por revitalizar a música tradicional e folk cunha mestura de influencias escocesas, irlandesas, bluegrass, clásicas, escandinavas e dos Apalaches. O quinteto logrou a combinación perfecta sendo fieis ás súas raíces tradicionais, dando como resultado un estilo poderoso, fresco e eufórico que impregnará o Escenario Estrella Galicia de exuberancia e un contaxioso entusiasmo o venres 12.

Fillas de Cassandra é o grupo de moda do folk galego e un dos máis reclamados polo público. María Pérez (voz e percusión) e Sara Faro (voz, percusión e piano) subiranse ao Escenario Estrella Galicia por primeira vez o venres 12 para compartir co público da Alameda a súa tradición musical e oral cunha combinación de folklore, electrónica, pop e dramaturxia.

Ademais, desde a semana pasada, unha “punkiereteira” dá a benvida aos visitantes da vila Ortegana cun mural de aproximadamente 260 metros cadrados, creado por Lida Cao, muralista de Ordes, e Cristian F. Caruncho, debuxante de Couzadoiro.

Alana e Buíoch gañan ex aequo o Concurso Runas 2024

Xul 17, 2024

O trío galego e o cuarteto irlandés actuarán no Festival de Ortigueira 2025 como gañadores da 25.ª edición do certame. Nunha edición memorable do Festival Internacional do Mundo Celta de Ortigueira, o xurado do…

O Festival de Ortigueira poderase seguir en directo

Xul 10, 2024

Os concertos do Escenario Estrella Galicia poderanse seguir a través da plataforma Tolemias, mentres que o Festival na Rúa verase no perfil de Instagram do Festival. Desde a súa creación en 1978, o Festival…

Actividades gratuítas completan a programación do Festival de Ortigueira

Xul 01, 2024

O Comité Organizador ultima os preparativos para unha nova edición do Festival Internacional do Mundo Celta de Ortigueira, que se celebrará do 11 ao 14 de xullo. O Festival de Ortigueira prepárase para sorprender…

O Festival de Ortigueira contará coa instalación dun punto violeta e dunha plataforma PMR

Xuñ 28, 2024

O Festival Internacional do Mundo Celta de Ortigueira 2024 celebrarase do xoves 11 ao domingo 14 de xullo. A Xunta de Galicia, a través da Consellería de Política Social e Igualdade, reforzou o seu…

Scottish Fish, Böj e José Manuel Tejedor pechan a programación do Escenario Estrella Galicia

Xuñ 25, 2024

Un total de 21 grupos subirán entre o 11 e 14 de xullo ao Escenario Estrella Galicia do Festival Internacional do Mundo Celta de Ortigueira. Scottish Fish chegará o xoves 11 de xullo a…

O Festival de Ortigueira encherá as rúas de música

Xuñ 17, 2024

O Comité Organizador ultima os preparativos para a cita máis importante do ano, o Festival Internacional do Mundo Celta de Ortigueira, que terá lugar entre o 11 e o 14 de xullo. O Festival…