Os concertos do Escenario Estrella Galicia poderanse seguir a través da plataforma Tolemias, mentres que o Festival na Rúa verase no perfil de Instagram do Festival.

Desde a súa creación en 1978, o Festival Internacional do Mundo Celta de Ortigueira consolidouse como un referente mundial da música folk e celta. Cada ano, miles de visitantes reúnense en Ortigueira para gozar dunha programación de alta calidade, que inclúe tanto a artistas consagrados como a novas promesas do xénero.

Este ano, como gran novidade, parte dos concertos do Escenario Estrella Galicia poderán seguirse en directo a través da plataforma musical galega Tolemias. Os amantes da música folk e celta poderán desfrutar das actuacións dos seus artistas favoritos desde a comodidade dos seus fogares ou desde calquera lugar do mundo, a través de calquera dispositivo con acceso a internet mediante a web www.tolemias.tv ou a aplicación de Tolemias.

Ademais, o concerto de Fillas de Cassandra, que terá lugar na noite do venres 12 ao sábado 13 ás 00:50 h, poderase seguir en directo a través de www.agalega.gal  

O Festival na Rúa tamén se poderá seguir en directo a través do perfil de Instagram do propio Festival, como vén sendo habitual desde a edición de 2022. Esta iniciativa permite aos miles de seguidores do Festival experimentar a máxica atmosfera que se crea enchendo as rúas de Ortigueira cunha mestura de sons, vestimentas, cores e tradicións.

O Festival de Ortigueira, que este ano se celebrará do xoves 11 ao domingo 14 de xullo, sempre destacou pola súa capacidade de reunir a artistas e público de todo o mundo. Con estas novas opcións de retransmisión en directo, amplíase o alcance do Festival en busca de ofrecer a máis persoas a oportunidade de vivilo sen importar onde se atopen.

Outra das novidades desta edición será a implementación dun sistema de pago cashless para as barras. Este sistema sen efectivo brindará unha maior comodidade e seguridade aos asistentes, optimizando os servizos e as transaccións financeiras durante os concertos. Os usuarios poderán realizar pagos mediante pulseiras recargables, eliminando a necesidade de manexar efectivo.

Estableceranse varios puntos de recarga tanto na zona da Alameda como na praia de Morouzos. Ademais, ao finalizar o Festival, os usuarios poderán recuperar o saldo restante das súas pulseiras a través da plataforma www.woutick.es 

Programación por días de #Ortigueira2024 en www.festivaldeortigueira.com/programacion/

O Festival Internacional do Mundo Celta de Ortigueira do 2026 terá lugar entre o 9 e o 12 de xullo

Xul 25, 2025

Tras a excepcional ampliación para celebrar o 50 aniversario da Escola de Gaitas de Ortigueira deste 2025, o Festival retoma o seu formato habitual de catro días, celebrándose do xoves 9 ao domingo 12…

Ortigueira pecha con éxito unha edición histórica

Xul 14, 2025

Durante cinco días de festa, tradición e música ao máis alto nivel, a vila da Ortigueira converteuse de novo no epicentro da cultura celta, acollendo a máis de 110.000 persoas, segundo estimacións da organización…

Os 50 sentáronlle moi ben á Escola de Gaitas de Ortigueira

Xul 14, 2025

O Festival Internacional do Mundo Celta de Ortigueira culminou hoxe domingo unha edición histórica, marcada pola celebración do 50 aniversario da Escola de Gaitas de Ortigueira, protagonista absoluta dun evento que ela mesma axudou…

Milladoiro e Flook triunfan na xornada máis multitudinaria do Festival de Ortigueira

Xul 13, 2025

Milladoiro e Flook triunfan na xornada máis multitudinaria do Festival de Ortigueira A pasada noite do sábado, o Festival Internacional do Mundo Celta de Ortigueira viviu unha das súas noites máis inesquecibles cando os…

Xara, banda madrileña con influencias da música tradicional asturiana, alzase co primeiro posto no Concurso Runas 2025 e faise cun pase directo ao Festival Internacional do Mundo Celta de Ortigueira de 2026

Xul 13, 2025

O grupo percibirá 3.000 € e actuará en 2026. Xara fora seleccionada como a banda favorita na votación popular realizada o pasado mes de maio a través da web, encabezando a votación online con…

A Escola de Gaitas de Ortigueira fai historia

Xul 11, 2025

A Escola de Gaitas de Ortigueira puxo o maior punto de emoción na edición do seu 50.º aniversario. No concerto participaron 150 músicos dirixidos polos 4 directores das súas cinco décadas de vida. A…