A 23ª edición desta iniciativa musical destinada a promocionar novos valores da música Celta, será o primeiro concurso que acolla a renovada web do Festival.
O Concello de Ortigueira tamén enfocará nas redes sociais os esforzos para impulsar o contacto cos seguidores do evento a nivel mundial. Renovará a campaña de difusión do concurso de novos talentos e estenderá o período de votación online, no que cada persoa poderá elixir aos seus artistas favoritos ata o día 20 de maio.
A pandemia provocou que para 2022 sexan nove as bandas finalistas que participarán na última fase; as tres que quedaron finalistas en 2020, as tres que quedaron finalistas no 2021, e as tres que saian elixidas nesta edición de 2022. Así, xunto co resto de programación, o Festival ampliarase e pasará de catro a oito días de duración, polo que será #OMáisLongoDaHistoria.
Os 3 finalistas do presente concurso 2022, escollidos a través da votación online e do xurado, anunciaranse en tres días diferentes (un cada día), o 25, 26 e 27 de maio, e serán contratados para actuar no escenario da Alameda no Festival 2022. Cada un percibirá un caché de 1.500 euros, e alí competirán xunto cos vencedores do Proxecto Runas 2020 e 2021. Da actuación dos finalistas do ano 2020 e dos anos 2021 e 2022, sairán os tres gañadores que actuarán no 2023.
Poderán tomar parte no concurso as formacións cuxa lista aborde a música tradicional dos países de orixe Celta, en sintonía coa música habitual que se programa no Festival, calquera que sexa a súa procedencia. O material para participar poderá enviarse ata as 23:59 h do venres 29 de abril e o proceso de selección constará de 2 fases:
Na primeira fase un comité técnico nomeado polo Concello de Ortigueira fará unha selección dun máximo de dez traballos de entre os recibidos que reúnan todos os requisitos solicitados. O 6 de maio dará comezo a segunda fase na que os traballos dos dez grupos seleccionados poderán ser votados e escoitados na páxina web oficial www.festivaldeortigueira.com. Esta segunda fase finalizará o venres 20 de maio ás 14 h, dando lugar á selección de finalistas.
Os finalistas determinaranse por un sistema de cinco votos. Un voto sairá da votación popular na páxina web do Festival e os outros catro votos procederán dun xurado composto por músicos, xornalistas musicais e promotores seleccionados polo Concello de Ortigueira.
Os tres grupos finalistas serán anunciados na páxina web e as redes sociais do Festival o mércores 25, xoves 26 e venres 27 de maio de 2022 (un grupo finalista cada día). Desde a elección dos finalistas ata a celebración do festival, realizarase a promoción dos grupos finalistas a través da publicación dos seus temas, entrevistas, vídeos, ou aquel material do que dispoñan ou xeren neste tempo, nos perfís oficiais do Festival en redes sociais, así como na web www.festivaldeortigueira.com.
Os gañadores das edicións de 2020, 2021 e 2022 serán contratados para actuar no Festival do ano 2023 e percibirán cada un deles un caché de 3.000 euros pola actuación. O xurado poderá non propoñer ningún grupo si estima que este ano non compren uns mínimos de calidade artística e musical.
Bases para descargar en galego, castelán e inglés en www.festivaldeortigueira.com/runas/
Músicos de diferentes partes do mundo compiten no Concurso Runas do Festival de Ortigueira
O Comité Organizador do Festival Internacional do Mundo Celta de Ortigueira anuncia os 10 grupos semifinalistas do certame e abre as votacións on-line para escoller aos 3 finalistas que subirán ao escenario este verán…
O Festival de Ortigueira abre a convocotaria do Concurso Runas de novos valores e incrementa o importe dos seus premios
O certame, destinado a fomentar a promoción de novos talentos da música tradicional das Nacións Celtas, celebra a súa 26ª edición na que os gañadores poderán acadar un premio de ata 5.000€ Ábrese o…
O Concello de Ortigueira, a través da área formativa do Festival Internacional do Mundo Celta de Ortigueira presenta o Laboratorio de Cántigas Novas
Ugía Pedreira e Óscar Gorriz dirixirán este espazo formativo de investigación artística, que pon o foco na creación autoral a partires da riqueza da lírica galega de tradición oral, no ano no que o…
A Escola de Gaitas de Ortigueira acompaña á delegación do Festival Internacional do Mundo Celta de Ortigueira na súa presentación en FITUR
A delegación do Festival estivo presente na xornada do sábado 25 de xaneiro en FITUR, presentando as súas novidades e un avance dos artistas participantes O 2025 preséntase como unha edición na que a…
O Festival Internacional do Mundo Celta de Ortigueira celebra o 50 aniversario da Escola de Gaitas cunha edición única
O Concello de Ortigueira presentou hoxe, sábado 18 de xaneiro, o cartel e un pequeno avance da programación da cita do 2025, que se celebrará do día 9 ao 13 de xullo nunha edición…
O Festival Internacional do Mundo Celta de Ortigueira, o festival con maior apoio do Ministerio de Cultura no 2024
O Festival recibiu este 2024 unha cunatía de 35.000€ por parte do ente público O Instituto Nacional das Artes Escénicas e da Música (INAEM), dependente do Ministerio de Cultura, convoca cada ano o seu…