O Festival Internacional do Mundo Celta de Ortigueira anuncia dúas novas e inéditas incorporacións ao cartel. Tamén abre o prazo para a presentación de propostas para a Feira de Artesanía.
Baiuca e a agrupación Xosé Lois Romero e Aliboria únense a Tanxugueiras, Red Hot Chilli Pipers, Wolfstone e Luar na Lubre como primeiros confirmados para o Festival de Ortigueira 2022.
Igual que con Tanxugueiras, o comité organizador segue a apostar polas novas caras do panorama musical galego. Baiuca é unha das revelacións do panorama folk coa súa “folktrónica”, unha mestura de ritmos tradicionais galegos e música electrónica contemporánea.
O DJ e produtor de Catoira chegará por primeira vez a Ortigueira o sábado 16 de xullo para presentar “Embruxo”, o seu derradeiro traballo, cun concepto de “cultura espiritual” no que os instrumentos tradicionais de percusión, principalmente de pel, coma os pandeiros, tambores, pandeiretas, bombos, así como as voces de mulleres, son os elementos principais do álbum.
A agrupación Xosé Lois Romero e Aliboria actuará o 16 de xullo en Ortigueira na que será a súa primeira aparición conxunta no Festival Internacional do Mundo Celta de Ortigueira. A formación galega está dirixida polo prestixioso multiinstrumentista Xosé Lois Romero, quen xa deixara mostras do seu virtuosismo no seu concerto na Igrexa de Ortigueira no 2019. Xunto a Aliboria, a través de un coro de voces femininas e percusións, intenta trasladar “o ruxir da terra cun estalido musical”. Con el, aspira a achegar un estilo propio, ao marxe dos códigos habituais do noso folclore.
Co Festival medrará tamén a Feira de Artesanía, a cal contará con oito días para a súa celebración, agardando que sexa un éxito en participación e vendas. Xa están dispoñibles as bases para a adxudicación de casetas e espazos públicos. Tal e como rezan as ditas bases, o prazo para entregar toda a documentación (que soamente será válida por correo certificado ou mediante entrega presencial) remata o mércores 27 de abril.
Consulta as bases en: www.festivaldeortigueira.com/artesania
Máis información na nosa nova páxina web www.festivaldeortigueira.com
Contacto: Elisardo de la Cruz 981138225 | Ramón Roldán 658811400 | prensa@festivaldeortigueira.com
ORGANIZA
Dous grupos asturianos e un aragonés, finalistas do Concurso Runas 2023
Guieldu, Alienda e Muro Kvartet chegan á final deste concurso, que en vésperas a alcanzar o cuarto de século, segue mantendo inalterable o seu obxectivo de promocionar os novos valores da música Celta. Os…
Dous grupos locais completan o cartel do Festival de Ortigueira
Os Carecos e Covagueira poñerán, xunto a Xabier Díaz, o broche douro ao Festival Internacional do Mundo Celta de Ortigueira 2023, que se celebrará do 9 ao 16 de xullo. Coa incorporación de Os…
Mallou, Bagad Sonerien An Oriant e Peoples Ford Boghall & Bathgate Caledonia Pipe Band se suman ao cartel do Festival de Ortigueira
O Festival Internacional do Mundo Celta de Ortigueira incorpora tres novas agrupacións chegadas dende Galicia, Bretaña e Escocia ao cartel de #EscoitaÁsEstrelas, que se celebrará do 9 ao 16 de xullo. Coa actuación de…
Aberta a convocatoria para a Feira de Artesanía do Festival de Ortigueira 2023
O Festival Internacional do Mundo Celta de Ortigueira abre o prazo para a presentación de propostas para a Feira de Artesanía, que terá lugar do 9 ao 16 de xullo. Xa están dispoñibles as…
O Festival de Ortigueira presenta aos 10 candidatos seleccionados do Concurso Runas 2023 e abre a votación online
O Concurso Runas, que se vén celebrando desde o ano 2000, ten como obxectivo a difusión da cultura e a música celta a través da promoción dos grupos noveis. O comité técnico do Concello…
Elephant Sessions, Mec Lir e A Banda das Crechas novas confirmacións para Ortigueira 2023
O Festival Internacional do Mundo Celta de Ortigueira incorpora a Elephant Sessions, Mec Lir e A Banda das Crechas ao cartel de #EscoitaÁsEstrelas, que se celebrará do 9 ao 16 de xullo. Despois dos…