O certame, destinado a fomentar a promoción de novos valores da música Celta, chega a súa 25.ª edición nun Festival de Ortigueira que retoma o formato de catro días do 11 ao 14 de xullo.
Ábrese o prazo de inscrición para o Concurso Runas 2024 do Festival Internacional do Mundo Celta de Ortigueira. Esta iniciativa está enfocada a bandas musicais de entre dous e dez integrantes, cuxo repertorio estea relacionado coa música tradicional dos países de orixe Celta.
O prazo de inscrición permanecerá aberto ata as 23:59 h do luns 29 de abril de 2024 e o proceso de selección constará de dúas fases. Na primeira, un comité técnico nomeado polo Concello de Ortigueira fará unha selección dun máximo de dez formacións.
A partir do martes 7 de maio, terá lugar a segunda, na que o público poderá escoitar e votar aos grupos seleccionados na web do Festival ata o martes 21 de maio ás 14:00 h.
Os grupos finalistas determinaranse por un sistema de cinco votos. Un voto sairá do sistema de votacións da web do Festival, os catro votos restantes procederán dun xurado composto por músicos, xornalistas musicais e promotores seleccionados polo Concello de Ortigueira.
Do resultado da segunda fase sairán elixidos os tres finalistas do Concurso Runas 2024, que serán anunciados o mércores 22, xoves 23 e venres 24 de maio nas redes sociais e na páxina web do Festival. Estes actuarán o xoves 11 de xullo no Festival Internacional do Mundo Celta de Ortigueira e recibirán un caché de 1.500 €. O gañador actuará na edición de 2025 cun caché de 3.000 €.
Os finalistas compartirán escenario con grandes artistas como Ailá, Aroze, BackWest, Bagad Brieg, Capercaillie, Cúig, Dervish, Escola de Gaitas de Ortigueira, Fillas de Cassandra, Green Lads, Kinnaris Quintet, NoGood Boyo, Peoples Ford Boghall & Bathgate Caledonia Pipe Band ou Muro Kvartet, gañador do Concurso Runas 2023.
O Concurso Runas, que vén celebrando desde o ano 2000, ten como obxectivo a difusión da cultura e música Celta a través da promoción de grupos noveis, primando sempre as composicións propias. O certame mantense fiel aos seus principios, aínda que no camiño evolucionou nas súas formas. Xa son máis de 250 bandas nacionais e internacionais as que pasaron por el, o que indica a importancia desta plataforma de promoción de grupos noveis dentro da música celta e folk.
Bases dispoñibles en www.festivaldeortigueira.com/runas/
Dous ponteses firman a autoría do cartel que representará a imaxe do Festival Internacional do Mundo Celta de Ortigueira deste 2026
A obra, “Romaría”, elaborada por Juan Prieto e Joseba Silvent, veciños do Concello de As Pontes de García Rodríguez, levouse o primeiro premio, o segundo foi para “Foliada”, de Alexandre Sequeiros e o terceiro…
O Laboratorio de Cántigas Novas consolídase en Ortigueira como referente da creación contemporánea de raíz con Mondra, Dores Tembrás e outros, baixo a dirección de Ugia Pedreira e Óscar Górriz
● O proxecto, unha iniciativa do Concello de Ortigueira a través da área formativa do Festival, codirixido por Ugia Pedreira e Óscar Górriz, regresa en 2026 para converter Ortigueira en epicentro da produción lírica…
Máis de 100 propostas presentadas para a selección do cartel do Festival Internacional do Mundo Celta de Ortigueira 2026
Publicada a lista de obras admitidas e excluídas Reunida a Unidade Xestora do Concurso de Carteis para esta edición 2026 do Festival de Ortigueira, e unha vez analizado o cumprimento dos requisitos das obras…
Presentado en FITUR o Festival Internacional do Mundo Celta de Ortigueira 2026
Artistas da talla de Yves Lambert, Lúnasa, Solas e Valtos actuarán en Ortigueira entre o mércores 8 e o domingo 12 de xullo do 2026 O Comité Organizador do Festival Internacional do Mundo Celta…
O Festival Internacional do Mundo Celta de Ortigueira convoca o concurso de deseño do cartel do 2026 con máis de 5.000€ en premios
As bases xa están dispoñibles na web do Festival e as obras poderán presentarse ata o 14 de xaneiro O Festival Internacional do Mundo Celta de Ortigueira anuncia a apertura do concurso de carteis…
O Festival Internacional do Mundo Celta de Ortigueira do 2026 terá lugar entre o 9 e o 12 de xullo
Tras a excepcional ampliación para celebrar o 50 aniversario da Escola de Gaitas de Ortigueira deste 2025, o Festival retoma o seu formato habitual de catro días, celebrándose do xoves 9 ao domingo 12…