O certame, destinado a fomentar a promoción de novos valores da música Celta, chega a súa 25.ª edición nun Festival de Ortigueira que retoma o formato de catro días do 11 ao 14 de xullo.
Ábrese o prazo de inscrición para o Concurso Runas 2024 do Festival Internacional do Mundo Celta de Ortigueira. Esta iniciativa está enfocada a bandas musicais de entre dous e dez integrantes, cuxo repertorio estea relacionado coa música tradicional dos países de orixe Celta.
O prazo de inscrición permanecerá aberto ata as 23:59 h do luns 29 de abril de 2024 e o proceso de selección constará de dúas fases. Na primeira, un comité técnico nomeado polo Concello de Ortigueira fará unha selección dun máximo de dez formacións.
A partir do martes 7 de maio, terá lugar a segunda, na que o público poderá escoitar e votar aos grupos seleccionados na web do Festival ata o martes 21 de maio ás 14:00 h.
Os grupos finalistas determinaranse por un sistema de cinco votos. Un voto sairá do sistema de votacións da web do Festival, os catro votos restantes procederán dun xurado composto por músicos, xornalistas musicais e promotores seleccionados polo Concello de Ortigueira.
Do resultado da segunda fase sairán elixidos os tres finalistas do Concurso Runas 2024, que serán anunciados o mércores 22, xoves 23 e venres 24 de maio nas redes sociais e na páxina web do Festival. Estes actuarán o xoves 11 de xullo no Festival Internacional do Mundo Celta de Ortigueira e recibirán un caché de 1.500 €. O gañador actuará na edición de 2025 cun caché de 3.000 €.
Os finalistas compartirán escenario con grandes artistas como Ailá, Aroze, BackWest, Bagad Brieg, Capercaillie, Cúig, Dervish, Escola de Gaitas de Ortigueira, Fillas de Cassandra, Green Lads, Kinnaris Quintet, NoGood Boyo, Peoples Ford Boghall & Bathgate Caledonia Pipe Band ou Muro Kvartet, gañador do Concurso Runas 2023.
O Concurso Runas, que vén celebrando desde o ano 2000, ten como obxectivo a difusión da cultura e música Celta a través da promoción de grupos noveis, primando sempre as composicións propias. O certame mantense fiel aos seus principios, aínda que no camiño evolucionou nas súas formas. Xa son máis de 250 bandas nacionais e internacionais as que pasaron por el, o que indica a importancia desta plataforma de promoción de grupos noveis dentro da música celta e folk.
Bases dispoñibles en www.festivaldeortigueira.com/runas/
O Festival Internacional do Mundo Celta de Ortigueira, o festival con maior apoio do Ministerio de Cultura no 2024
O Festival recibiu este 2024 unha cunatía de 35.000€ por parte do ente público O Instituto Nacional das Artes Escénicas e da Música (INAEM), dependente do Ministerio de Cultura, convoca cada ano o seu…
O Festival Internacional do Mundo Celta de Ortigueira impúlsase grazas á Deputación de A Coruña
O festival recibiu 65.000€ este 2024 No marco da convocatoria do programa de subvencións a concellos e entidades locais para o apoio ao desenvolvemento de festivais audiovisuais, musicais e de artes escénicas na provincia…
O Festival de Ortigueira amplía unha xornada máis a súa próxima edición para homenaxear á Escola de Gaitas no seu 50 aniversario
A organización aposta por ampliar as datas de catro a cinco días de duración, do 9 ao 13 de xullo O 2025 será un ano para o recordo para a Escola de Gaitas de…
Mónica Fustes deseñará o cartel do Festival de Ortigueira 2025
O Comité Organizador aposta polo talento local para a imaxe dunha edición marcada polo 50 aniversario do nacemento da Escola de Gaitas de Ortigueira. En 2025, a Escola de Gaitas de Ortigueira celebrará o…
Comunicado oficial: Facebook
A nosa páxina de Facebook atópase actualmente suspendida por motivos completamente alleos ao Festival de Ortigueira. Estamos a traballar para resolver esta situación e recuperala canto antes. Pedimos desculpas por calquera inconveniente que isto…
Alana e Buíoch gañan ex aequo o Concurso Runas 2024
O trío galego e o cuarteto irlandés actuarán no Festival de Ortigueira 2025 como gañadores da 25.ª edición do certame. Nunha edición memorable do Festival Internacional do Mundo Celta de Ortigueira, o xurado do…