Runas 2022

Procedencia: Asturias, ano 2006

Integrantes: Fernando Oyagüez: bouzouki, coros; Marcos G. Alonso: acordeón diatónico, percusións; Xurde Fernández: frauta traveseira, whistle, violín.; Silvia Quesada: voz.

Que fan? Temas instrumentais e cantados a partes iguais, composicións propias e temas recollidos da tradición oral e posteriormente pasados polo cribo do grupo. A banda, que xurdiu como trío instrumental ao que posteriormente se lle sumou a voz, pode encadrarse no movemento denominado "folk de cámara", ou o que é o mesmo, folk en formato reducido, que achega un maior dinamismo e frescura ao produto final.

Discos: "Entamu"

Procedencia: A Coruña, ano 2007

Integrantes: Brais López, caixón, clarinete, djembé,saxo; Carlos Argibay, caixón, congas, percusión pequena; Iago Corral, baixo, gaita; Manuel Clavijo, coros, guitarra, violín, voz; Manuel Fonte, bongós, caixón, percusión pequena; Marta Seco, percusión pequena, violín, voz; Rubén Capelán, batería, caixón, coros, djembé, voz.

Que fan? Non se ateñen a ningún estilo en concreto. Recoñécense a si mesmos como unha proposta fresca, creativa e nova, que só pretende facer a música que lles gustaría escoitar. A medio camiño entre a fusión instrumental e os temas con textos propios, a banda intercala pezas animadas con outras nas que prima a reflexión sobre temas actuais.

Procedencia: Ourense, ano 2006 (con anterioridade foi grupo de gaiteiros tradicionais)

Integrantes: Patricia López, voz e pandeireta; Xerardo Quintela, acordeón; Jesúa Pérez "Chechu", gaitas, whistle e percusión; Marcos Pérez, batería e percusións, Óscar Freire, gaitas e saxos; Fran X. Gómez, clarinete, frauta, guitarra sintetizada e acústica.

Que fan? "Música en galego" é a etiqueta escollida por este grupo para definir o seu estilo musical. Integrado por músicos que proveñen da música tradicional presentan un repertorio composto por pezas tradicionais froito da investigación dos membros da banda, así como algúns temas de compositores galegos e outros propios. Acaban de gañar a útlima edición do Certame folk de Radio Obradoiro.

Discos: En preparación

Procedencia: Valladolid, ano 2001

Integrantes: Álvaro Sánchez, baixo eléctrico; Luis Ángel Fernández, dulzaina, pito de chaves, tin whistle, gaita galega, frauta de 3 buratos, percusións; Francisco Javier Petite, dulzaina castellana, pito de chaves, pandeireta, percusións; Andrés Sanz, guitarra eléctrica e acústica; Jesús Alfonso García "Pistolo", batería e percusións.

Que fan? Incorporando á música tradicional estilos tan diversos como o rock, o jazz ou a música clásica, tanto aos seus temas de composición propia como a melodías e ritmos arcaicos, propoñen unha nova forma de enfocar cara ao futuro as raíces musicais de diversos pobos e distintas culturas, achegándoas a todos os públicos. Repertorio e instrumentos tradicionais, dotados de actualidade.

Discos: "Divertimento"

Procedencia: Guadalajara (Castilla la Mancha),

Integrantes: Iris Tejón (voz e whistle), Sergio Maseda (violín), Antonio Herrero (guitarra), Txus Montana (baixo), Carlos Barraguer (batería).

Que fan? A súa música móvese dentro do amplo espectro do «folk-fusion», e acubilla influenzas de numerosos estilos musicais, como música irlandesa, bretoa, country, medieval, rock, etc. Así, xuntan sons celtas e medievais con rock ou música clásica. A variedade de instrumentos dá lugar a un son elaborado, con amaños moi coidados.

Procedencia: Cataluña (2006)

Integrantes: Iván Pérez Villar, violín; Albert Morreres, frauta traveseira; Sergi Llena, gaita, tin whistle, txistu; Héctor Beberide, mandolina, bouzouki, guitarra e arpa cèltica; Juan Ignacio López, violoncel; Robert Querol Butia, percussión.

Que fan? Pretenden revitalizar e difundir a música tradicional de diversa procedencia, nunha viaxe musical que nos leva desde Galicia ata Bretaña pasando polo Pirineo, Occitania… ata Irlanda. Actualmente compatibilizan o seu labor didáctico entre os mozos coa preparación da súa primeira gravación: "De Fisterra a Finistère de Finistère a Fisterra combinando repertorio de composición propia con repertorio tradicional.

Procedencia: Vizcaya (2003)

Integrantes: Eva Fernández, voz e percusións; Lorea Guede Muguerza, trikitixa, percusións e voces; Sandra Cid, batería, percusións e voces; Alberto Rodríguez, baixo eléctrico; Iñaki Iglesias Fuertes, guitarras eléctricas e acústicas; Rodrigo Cid Silvan, frautas e gaitas.

Que fan? Música de raíz, seguindo o ronsel dos grupos folk galegos. A banda, xurdida do grupo de danzas e a de gaitas do centro galego de Ermua, conseguiu forxar unha identidade propia e son característico, que combina instrumentos modernos e tradicionais e aposta pola apertura a outros estilos como o jazz ou o rock.

Orixe: Compostela, 1986 (inician segunda etapa en 2005, tras unha década de parón)

Integrantes: Ramón Feáns (Bouzouki, guitarra e programacións), Paulo M. Gacio (frauta, gaita, saxo, whistles e programacións), Paco Nogueiras (acordeón, clarinete e programacións), Antonio Presedo (mandola).

Discografía: Participan en dous discos colectivos I Certame de Música Celta e Pop e Mostra Galega de Música Folk. En abril do 2008 publican o seu primeiro álbum, "Paos".

Que fan? Temas de autor, que combinan o substrato tradicional coas tendencias actuais. O seu é un folk de fusión, no que os instrumentos acústicos conviven coas posibilidades que ofrecen as novas tecnoloxías.

Procedencia: Teo- Galicia (2006)

Integrantes: Ana Belén Ferreira (Pandeireta e voz), Carlos Mosquera (Gaita e voz), Esteban Lamas (Acordeón), José Antonio Ferreira (Gaita, voz e bombo), María Alejandra Golán (Pandeireta e voz), María de los Ángeles Ferreira (Pandeireta e voz), María Elena Ferreira (Pandeireta e voz), Nuria Golán (Pandeireta e voz), Ricardo González (Tamboril e bombo), Roberto Rama (Gaita e saxo)

Que fan? Exploran as posibilidades da "fusión" creativa de distintos estilos musicais sen necesidade de atravesar as nosas fronteiras, mesturando todas as vertentes da música tradicional galega. O seu repertorio, que inclúe pezas tradicionais amañadas e composicións propias, busca achegar un valor engadido ao traballo de campo no campo do folclore realizado en Galicia nas últimas décadas. Gañaron en 2007 o certame de música folk de Radio Obradorio o que lles permitiu editar o seu primeiro disco.

Disco: "Aliaxe" (2008)

Procedencia: Castilla y León, ano 1997

Integrantes: Moisés Arnáiz, charango; Pablo Pino, guitarra; Sergio García, percusión; Sofía Miguélez, acordeón; Damián Posse, contrabaixo; Tomás García, gaita e whistle; J

Procedencia: Portugal

Integrantes: Luís Fernandes, voz, braguesa, acordeón; Aníbal Almeida, violín; Gonçalo Rodrigues, mandolina;Miguel Cardoso, contrabaixo; Lara Figueiredo / Teresa Almeida, frauta; Francisco Almeida / Bruno Pinho, guitarra; João André / Ricardo Coutinho, caixón+percusión.

Que fan? Concertos que funden os sons da tradición coas cores das novas músicas, nun espectáculo de enerxía musical e interacción co público. Recreacións dinámicas, libres e, sobre todo, moi festivas do repertorio esquecido da Serra do Caramulo. Recoñecida pola forza dos seus directos, a banda revelación da música de raíz lusa, é o único grupo do país veciño que se coou na programación da Rede galega de música ao vivo.

Discos: "Toques do Caramulo é ao vivo!" (2007)

Procedencia: Portugal, 2006

Integrantes: Lília: voz, arpa celta, adufe, bombo; Marie: voz, frautas, gaita, adufe; Bia: voz, guitarra, cavaquinho, adufe; Rui Filipe, arranxista e instrumentista (teclas, programações, acordeón); Johnny Galvão, produtor, arranxista, guitarrista,co-compositor das músicas e autor das letras.

Que fan? Cancións orixinais con letras que remiten ao imaxinario tradicional portugués, pero con clara vocación internacional. En escena, a banda destaca pola forza que imprimen os seus cantantes, que son ademais instrumentistas e bailarinas. O trío acompáñase dun grupo de músicos e de múltiples recursos audiovisuais que crean un ambiente que xunta festa e misterio.

Discos: "Xaile"

Procedencia: Galicia

Integrantes: Vadim Yukhnévich (acordeón e voz), Nuria de León (voz, arpa e frautas), Gonzalo Goás (bouzouki, guitarra e voz), Pablo Pérez (baixo e contrabaixo) e Jacobo Gallego (batería).

Que fan? Basean a súa filosofía sonora na tradición do folk galego, sen renunciar á incorporación de elementos procedentes doutros estilos como o jazz ou o funk e doutras culturas, caso dos ritmos eslavos. O protagonismo da voz é claro nun repertorio que inclúe temas propios, tradicionais e adaptacións de textos de Celso Emilio Ferreiro, Lorca e Eduardo Galeano.

Discos: Xua! (2007)